Нахуствазири Қирғизистон Темир Сариев бар ин назар аст, ки маҳкумшудагон ба ифротгароии диниро аз маҳбусони дигар ҷудо нигоҳ доштан зарур аст, то ки аз падидаи ба тундгароӣ гаравидан ва ҷалби дигар зиндониён ба гурӯҳҳои ифротгаро пешгирӣ шавад.
Хабаргузории Интерфакс дар ин робита менависад, Сариев дар ҷаласаи ҳайати мушовараи ВКД Қирғизистон гуфтааст, «дар ҷумҳурӣ барои маҳкумшудагон ба ифротгароии динӣ бояд зиндони алоҳида ташкил карда шавад, чунки онҳо фаъолона ба ҷалби ҷинояткорон ба сафҳои худ оғоз мекунанд».
«Муттаҳидшавии ифротгароёни динӣ бо ҷинояткорон ба омехтаи мудҳише табдил меёбад ва натиҷаи ин иттиҳодро мо ҳафтаи гузашта дар Бишкек шоҳид будем, ки хадамоти махсус як гурӯҳ намояндагони созмони террористиро аз байн бурданд ва миёни онҳо аъзои гурӯҳи муташаккили таҳти сарпарастии Давлати исломӣ қарордошта низ ҳузур доштанд», - иброз доштааст Сариев.
Ба андешаи нахуствазири Қирғизистон, дар зиндони ҷудогона нигоҳ доштани маҳкумшудагон барои ифротгароии динӣ имкон медиҳад, ки ба гаравидани дигар маҳбусони зиндон ба тундгароӣ роҳ дода нашавад.
Дар ҳамин ҳол, намояндагони макомоти ҳифзи ҳуқуқи минтақаи ҷануби Қирғизистон, ки дар ин ҷо ҳодисахои бештари ҷалби шаҳрвандон ба сафи тундгароёни исломӣ дар Сурияву Ироқ ба қайд гирифта шудааст, барвақт дар бораи ҷудо нигоҳ доштани маҳкумшудагон ба ифротгароии динӣ аз дигар маҳбсуонро масъалагузорӣ карда буданд.
Боздошти 15 нафар барои ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста