Дар Қазоқистон барои ворид кардани тағйиру иловаҳо ба Конститутсияи он кишвар рӯзи 5 июн раъйпурсии умумихалқӣ баргузор мешавад. Дар ин бора Қосимҷомарт Тоқаев, президенти Қазоқистон рӯзи 5 май фармон имзо кард.
Интизор меравад, ки бар пайи ин тағйирот мақоми "пешвои миллат" ё "Елбасӣ"-ии раисҷумҳури собиқи ин кишварро, ки меъёри конститусионист, бекор шавад.
"Ислоҳоти Конститутсия ба тағйироти куллии ҳамаи шохаҳои ҳокимият равона шудааст. Тағйирот гузариши қатъӣ аз шакли идорасозии "президенти қавӣ" ба шакли ҷумҳурии президентӣ бо порлумони бонуфуз ва ҳукумати ҳисоботдиҳандаро мадди назар дорад", - гуфт Тоқаев рӯзи 5 май.
Тоқаев дар як суханронӣ рӯзи 29 апрел гуфта буд, ки раъйпурсӣ барои қабули Конститутсия дар он кишвар бори охир соли 1995 баргузор шудааст. "Баъд Қонуни конститутсионӣ "дар бораи раъйпурсии умумӣ" қабул шуд, ки боре ҳам истифода нагардидааст. Аммо аз он сол то кунун Конститутсияи Қазоқистон чаҳор бор тағйир дода шуд. Бовар дорам, ки тағйирот ба Конститутсия тавассути раъйпурсии умумихалқӣ иродаи халқро ба намоиш хоҳад гузошт", - гуфт Тоқаев.
Дар 27 соли мавҷудияти Конститутсия Қазоқистон ба он панҷ маротиба тағйирот ворид ва бештар аз 60 моддаи он дигар карда шудааст.Тоқаев ҳанӯз 16 марти имсол дар бораи зарурати тағйирот ба Конститутсия суҳабт карда буд. Интизор меравад, ба 33 моддаи Қонуни асосии он кишвар 56 тағйиру илова ворид карда шавад.
Коршиносон мегӯянд, натиҷаҳои ин раъйпурсӣ аз пеш маълум ҳастанд. Мунаққидон бовар доранд, ки пешниҳодҳои Тоқаев барои тағйиру иловаҳо хосияти ороишӣ доранд ва табиати низоми худкомаро тағйир нахоҳанд дод. Гуруҳи корие, ки тағйирот ба Қонуни асосии он кишварро таҳия дорад, рӯзи 25 апрел тағйиру иловаҳои мавриди назарро нашр кард. Аз ҷумла, бар асоси ин тағйирот, барқарории Додгоҳи конститутсионӣ дар назар аст, ки соли 1995 бекор шуда буд; узви ҳизб будани президент манъ хоҳад шуд ва пайвандони вай аз ишғоли мансабҳои сиёсӣ ё роҳбарӣ дар ниҳодҳои давлатӣ маҳрум хоҳанд гардид; тағйирот ҳамчунин ба фаъолияти порлумон ва низоми интихоботӣ низ дахл мекунад.
Дар Telegram, Facebook, Instagram, OK ва ВК бо мо бимонед.
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Кулли ахбор
Авторизуйтесь, пожалуйста