Дар Иёлоти Муттаҳидаи Амрико изҳор доштанд, ки ҷиҳати ҷудо кардани то 120 ҳазор доллар барои кор бо ҷавонони англисидон аз кишварҳои Осиёи Марказӣ омодаанд. Дар шарҳи грант, ки Russian Today (RT) бо он шинос шудааст, дар навбати аввал доир ба робитаи мутақобила бо мактабхонҳои синфҳои болоӣ ва донишҷӯён сухан меравад. Лекин барои иштирок дар ин ташаббус рӯзноманигорону блогерон ва намоянядагони мақомоти давлатии маҳаллӣ ва коршиносон ҳам даъват шуда метавонанд.
“Дар доираи барнома онҳо бо авлавиятҳои сиёсати хориҷии ИМА дар Осиёи Марказӣ шинос шуда, ба онҳо имкон медиҳад, ки бо ҳамсолони худ масоили муҳиму рӯзмарра дар саросари минтақаро баррасӣ кунанд. Аз ҷумла масоили иқтисодӣ бо таваҷҷуҳ ба рушди тиҷорати минтақавӣ ва дурнамо барои сармоягузорӣ ва савдои ИМА, таҳдидҳои умумӣ ба минтақа дар соҳаҳои экология, ҳуқуқи инсон, амният бо таваҷҷуҳ ба таҳдидҳои террористӣ”, - зикр мешавад дар санад.
Ҳадафи аслии ташаббуси “Шӯрои ҷавонони С5+1” рушди шабакаи минтақавии “пешвоҳои ҷавон” унвон мешавад, ки ба рушди афзалиятҳои платформаи дипломатии "С5 + 1" саҳм мегузоранд.
Мушаххас шудааст, ки "С5+1" як "равиши умумидавлатии ҳукумати ИМА ба Осиёи Марказӣ" аст, ки ҳамкориро бо панҷ кишвари ин минтақаи бузург - Қазоқистон, Қирғизистон, Тоҷикистон, Туркманистон ва Ӯзбекистон пешбинӣ мекунад.
Ҳаҷми маблағгузорӣ ба амалисозии барномаи мазкур, ки ИМА ба он омода аст, набояд аз 120 ҳазор доллар зиёд бошад.
Бино ба маълумоти ҳукумати ИМА, Вашингтон ин лоиҳаро аз соли 2015 маблағгузорӣ мекунад.
Руcский