Шоми рӯзи 25-уми март Президенти кишвар Эмомалӣ Раҳмон Президенти Федератсияи ҷаҳонии футбол (ФИФА) Йозеф Блаттерро, ки ба Тоҷикистон ташриф овардааст, ба ҳузур пазируфт.
Бино ба иттилои хадамоти матбуоти сарвари давлат, дар мулоқот масоили вобаста ба рушди футбол ва таъмини оммавияти варзиш дар Тоҷикистон баррасӣ шуд.
Йозеф Блаттер “Соли футболи оммавӣ” дар Тоҷикистон эълон гардидани соли 2014-ро иқдоми шоистаи дастгирӣ номида, изҳор дошт, ки “иштирок дар маросими оғози татбиқи ин ташаббус аз ҳадафҳои сафар”-и ӯ ба Тоҷикистон аст.
Тавре зикр гардид, тамошои бозии футболи дастаҳои “Истиқлол”-и Душанбе ва “Равшан”-и Кӯлоб барои Шоҳҷоми Тоҷикистон ва супурдани Ҷоми олӣ ба дастаи ғолиб низ аз бандҳои барномаи боздиди ӯ аз шаҳри Душанбе аст”. Йозеф Блаттер, ҳамчунин дар расми ифтитоҳи майдони сунъии варзишгоҳи марказӣ, ки бо мадади ФИФА бунёд шудааст, ширкат меварзад.
Сарвари давлат Эмомалӣ Раҳмон ба Йозеф Блаттер барои дастгириҳои пайвастаи ФИФА аз рушди футбол дар Тоҷикистон арзи хушӣ кард.
Изҳори боварӣ карда шуд, ки иқдомҳои пайвастаи Ҳукумати Ҷумҳурии Тоҷикистон доир ба бунёди инфрасохтори варзишӣ, аз ҷумла доир ба сохтмони варзишгоҳҳо ва дигар иншооти ин соҳа ва тарғибу ташвиқи насли наврас ба тарзи ҳаёти солим боиси рушду тараққиёти босуръати футбол ва дигар намудҳои варзиш дар Тоҷикистон хоҳад шуд.
Қобили зикр аст, ки имрӯз президенти ФИФА дар ҷашнвораи кӯдкона ширкат варзида, ба Соли футболи оммавӣ дар Тоҷикистон ҳусни оғоз хоҳад бахшид. Ин чорабинӣ соати 10-00 оғоз гардида, дар Варзишгоҳи марказии ҷумҳуриявӣ доир мегардад.
Дар анҷоми ҷашнвора президенти ФИФА дар вазъи тантанавӣ майдони сунъӣ дар майдони эҳтиётии Варзишгоҳи марказиро ифтитоҳ хоҳад кард, ки тибқи барномаи «Гол-2»-и ФИФА сохта шуда, моҳи майи соли гузашта ба истифода дода шуда буд. Сипас роҳбари футболи ҷаҳонӣ ба сохтмони боз як майдони сунъии футбол дар Душанбе бо маблағгузории ФИФА дар паҳлӯи майдони бозии теннис низ ҳусни оғоз мебахшад.
Имрӯз ҳамчунин соати 11-00 Йозеф Блаттер дар меҳмонхонаи «Хайят Реҷенси» аз рӯи натиҷаҳои сафари худ ба Душанбе нишасти матбуотӣ барпо мекунад.
Ҳасрати зан ё шуҳрат? Ҳарзасароӣ дар шоу-бизнеси тоҷик
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Кулли ахбор
Авторизуйтесь, пожалуйста