Мунтахаби футзали Тоҷикистон таҳти роҳбарии сармураббии сербиягӣ Деян Дедович дар бозии аввали гурӯҳи “А”-и мусобиқаи даври интихобии Чемпионати Осиё-2020 оид ба футзал (футбол дар толор) дастаи Непалро бо ҳисоби калони 6 бар 0 мағлуб кард.

Бино ба иттилои Федератсияи футболи Тоҷикистон,  бозии дигари гурӯҳи”А” байни дастаҳои Ӯзбекистон ва Афғонистон бо ҳисоби 6 бар 2 ба фоидаи футболбозони ӯзбек анҷом ёфтааст.

Гуфта мешавад, дар даври дуюми ин мусобиқа футболбозони тоҷик имрӯз, 24у-ми октябр бо тими Афғонистон бозӣ мекунанд. Вохӯрӣ дар шаҳри Урмияи Эрон соати 14:30 ба вақти Душанбе оғоз мешавад.

Қобили зикр аст, ки ба даври финалии Чемпионати Осиё оид ба футзал-2020, ки соли оянда дар Туркманистон доир мегардад, ду дастаи зинаҳои аввал аз ҳар кадом гурӯҳи минтақаи Марказӣ ва Ҷанубӣ роҳхат мегиранд.

Дар TelegramFacebookInstagramViberЯндекс.ДзенOK ва Google Новости бо мо бимонед.