Мунтахаби футзали Тоҷикистон дар бозии дуюми мусобиқаи даври интихобии Чемпионати Осиё-2020 оид ба футзал (футбол дар толор) бори дуюм пирӯз шуда, пеш аз вохӯрии охир ба даври финалии Чемионати Осиё-2020 роҳхат гирифт.

Бино ба иттилои Федератсияи футболи ҷумҳурӣ, дар бозии даври дуюми марҳилаи интихобӣ дар гурӯҳи “А”-и минтақаи Марказӣ ва Ҷанубӣ, ки дар шаҳри Урмияи Эрон ҷараён дорад, шогирдони мутахассиси сербиягӣ Деян Дедович тими миллии Афғонистонро бо ҳисоби 5 бар 2 мағлуб карданд.

Мусобиқаи даври финалии Чемпионати Осиё-2020 оид ба футзал соли оянда дар Туркманистон доир мегардад.

Сурат: ФФТ

Дар даври сеюми мусобиқа футболбозони тоҷик бо дастаи Ӯзбекистон бозӣ мекунанд, ки ин тим низ пеш аз вохӯрии охир ба даври финалии мусобиқа роҳхат гирифтааст. Бозӣ соати 17:00 ба вақти Душанбе оғоз мешавад.

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.