Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон мегӯяд имсол 6 нафар варзишгари тоҷик барои натиҷаҳои ба даст овардаашон дар сабқатҳои варзишии ҷаҳонии соли 2020 номзадии хуро барои гирифтани ҷоизаи Президенти Ҷумҳурии Тоҷикистон пешниҳод карданд.
Тавре дар суҳбат ба “Азия Плюс” сардори шуъбаи кор ба дастаҳои мунтахаби Кумита ҷавонон Суҳроби Акбаршоҳ гуфт, ин 6 нафар варзишгар аз навъҳои куштии тарзи озод, юнонӣ-румӣ, самбо, бокс ва таэквандо пешниҳод шудаанд.
Суҳроби Акбаршоҳ ҳамчунин гуфт, ки варзишгарони тоҷике, ки дар мусобиқаҳои байналмилалии ҷойҳои намоёнро сазовор гаштанд, метавонанд то 18 декабри соли 2020 номазадии худро барои гирифтани ҷоизаи Президенти Тоҷикистон пешниҳод кунанд.
Маросими супоридани ҷоизаҳо охири сол баргузор мегардад. Ин намояндаи Кумитаи ҷавонон ва варзиш мегӯяд, ки то 18 декабр бархе мусобиқоти дигари варзишӣ низ ҳаст.
“Дар моҳи декабр як чанд чорабинии дигари варзишӣ аст, ки варзишгарони мо дар он мусобиқаҳо ширкат мекунанд, мо инро дар ҳолати ҳамагирӣ ба назар гирифта ин чорабиниро охири сол ҷамъбаст мекунем”.
Суҳроби Акбаршоҳ гуфт, феълан гуфта наметавонад, барои ин кор чанд ҳазор сомонӣ ҷудо карда шудаасту варзишгарон чандҳазорсомонии ҷоиза мебаранд, зеро озмун ҷамъбаст нашудаасту ғолибон муайян карда нашуданд.
Гуфта мешавад ҳоло аз дигар навъҳои варзиш якеӣ номзад ва аз самбо ду нафар номзад пешбарӣ шудааст. Намояндаи Кумитаи ҷавонон мегӯяд, ки ҳоло наметавонад ному насаби варзишгаронро расонаӣ кунад, чун онҳоро бояд комиссия бояд интихоб кунад.
Ҷоизаи Президенти Тоҷикистон дар соли 2015 бо номи “Дар бораи Ҷоизаи Президенти Ҷумҳурии Тоҷикистон ба ғолибон ва ҷоизадорони мусобиқаҳои байналмилалии варзишӣ” таъсис дода шуд, ки соли 2016 бисту як нафар ва соли 2017 бисту шаш нафар, соли 2018 ба 74 нафар, соли 2019 42 нафар, варзишгар соҳиби ин ҷоизаи прездентӣ гардиданд.
Ҷоизаи мазкур ҳамасола ба варзишгарони беҳтарин супорида мешавад ва ҳаҷми маблағи он вобаста ба натиҷаи бадастоварда ва намуди варзиш аз 15000 то 300000 сомонӣ муқаррар шудааст.
Имсол, ки бар асари ҳамагирии коронавирус аксари мусобиқоти варзишии байнламилалӣ, бо шумули мусобиқоти қаҳрамонии ҷаҳон лағв шуданд, ки мутаносибан дастовардҳои варзишгарон ҳам дар сабқатҳои ҷаҳонӣ камтаранд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста