Душанбе. 9-уми июн. ОИ «Азия-Плюс» - Дар ноҳияи Шуғнони ВМКБ ҳавзи озмоишии моҳипарварӣ ба истифода дода шуд. Ба қавли Марод Мирасанов, сардори раёсати назорати давлатии ҳифзи муҳити зисти ВМКБ, барои парвариш аз ноҳияи Ҳамадонӣ навъҳои гуногуни моҳӣ оварда шудааст. Раёсати назорати давлатии ҳифзи муҳити зисти вилоят ҷиҳати сохтмони ҳавз 31 ҳазор сомонӣ маблағ ҷудо кардааст. Чанде қабл чунин ҳавз дар ноҳияи Рашт низ бунёд гардида буд.