Душанбе. 8-уми июл. ОИ «Азия-Плюс» - Бонки исломии рушд (БРО) ният дорад, ба Тоҷикистон ба маблағи $1,2 млн. бурс ихтисос диҳад.
Сухангӯи Вазорати рушди иқтисод ва савдои ҶТ Ғафурҷон Расулов хабар дод, ки ҳайати БРО таҳти сарварии сариқтисодчии бонк Рабиҳ Маттар бо боздиди чаҳоррӯза ба Душанбе омадаанд.
Бино ба иттилои манбаъ, намояндагони бонк ҷиҳати мушаххас сохтани моддаҳои хароҷоте, ки аз ҳисоби бурси ҷудошуда молиягузорӣ карда мешаванд, бо вазири рушди иқтисод ва савдои ҶТ Ғуломҷон Бобозода мулоқот карданд.
Ба қавли намояндаи вазорат, дар чаҳорчӯбаи азхудсозии бурс захираҳои зироатҳои ғалладона зиёд карда шуда, тухмиҳои босифат,
нуриҳои минералӣ ва таҷҳизоти зарурӣ харидорӣ мешаванд.
Зимни сафар ҳайати бонк ҳамчунин бо мақомоти роҳбарии вазорати кишоварзии ҷумҳурӣ мулоқот хоҳад кард.
Интизор меравад, ки аз рӯи натиҷаҳои сафар дар шаҳри Душанбе ёддошти ҷудо кардани бурс ба имзо мерасад.
Дар ҳамин ҳол, Ғ.Расулов изҳор дошт, ки пас аз 2 моҳ ба шаҳри Душанбе ташрифи боз як ҳайати дигари Бонки исломии рушд дар назар аст. Интизор меравад, ки онҳо масъалаи ба Тоҷикистон ҷудо кардани қарзҳои миёнамӯҳлат ва дарозмуддатро баррасӣ мекунанд. Айни замон маблағи қарзҳо норавшан аст.
Ҳамкорӣ зарур аст! Дар Душанбе лоиҳаи тақвияти ҳамкории марказҳои матбуотӣ бо расонаҳо рӯнамоӣ шуд
Тими футболи “Куктош” Лигаи олиро тарк мекунад?
Ба қувваозмоии навбатӣ дар UFC Лоиқ Раҷабов чӣ гуна омодагӣ мегирад?
Аҳмад Масъуд: “Агар мардум Толибонро ҳам интихоб кунанд, мо таслими иродаи мардум мешавем”
Бинои нави ҳукумат ва парлумони Тоҷикистон аввали моҳи июл ифтитоҳ мешаванд
Боздошти директори "Гардуна" барои фиреби беш аз 80 нафар бо ваъдаи корёбӣ дар Чехия
Сарвазири Покистон Шаҳбоз Шариф бо сафари расмӣ ба Тоҷикистон меояд
Шиносномаи тиллоӣ: Дар кадом кишварҳо тоҷикон метавонанд барои сармоягузорӣ шаҳрвандӣ гиранд?
Тоҷикистон ният дорад, ки истеҳсоли энергия аз офтоб ва барқро зиёд кунад
“Известия”: Амалҳои террористӣ дар Доғистон як моҳ пеш тарҳрезӣ шуда буданд
Кулли ахбор
Авторизуйтесь, пожалуйста