Таҳсил дар мактабҳои Тоҷикистон то соли 2030-юм 12-сола мешавад ва қабул ба синфи 1-ум аз 6-солагӣ оғоз меёбад. Дар ин бора Зиёдулло Абдулзода, муовини вазири маориф ва илми Тоҷикистон дар мусоҳиба бо нашрияи “Омӯзгор” иттилоъ додааст.
Ба гуфтаи манбаъ, бо назардошти талаботи Стратегияи миллии рушди соҳаи маорифи Тоҷикистон барои давраи то соли 2030 таҳсилот дар макотиби кишвар 10-солаи асосӣ ва 12-солаи миёнаи умумӣ мешавад. То ба ҳол таҳсилоти асосӣ 9-сола, яъне ҳатмӣ ва таҳсилоти миёнаи умумӣ 11-сола, яъне ихтиёрӣ, аст.
“Қабули хонандагон ба синфи як аз 6-солагӣ пешбинӣ гардидааст”, - гуфтааст Абдулзода.
Муовини вазири маориф ва илм афзудааст, дар асоси барномаи давлатии такмили омӯзиши забонҳои русӣ ва англисӣ барои давраи то соли 2030 ба таълими ин ду забон бештар таваҷҷӯҳ равона карда мешавад.
Ӯ гуфтааст, дар доираи татбиқи барномаи мазкур таълими забони русӣ аз синфи 2 ва таълими забони англисӣ аз синфи 3 оғоз мешавад. Дар мактабҳои ғайридавлатӣ (хусусӣ) дар асоси дархости падару модарон ва густариши муносибатҳои байналмилалии Тоҷикистон бо Русия ва хориҷи дур барои таълими ин забонҳо аз синфи 1 иҷозат дода шудааст.
“Дар қисмати иловагии нақшаи таълимӣ барои муассисаҳои таҳсилоти умумӣ аз 4 то 8 соат пешбинӣ гардида, қисми зиёди онҳо ба тақвияти таълими забонҳои русӣ ва англисӣ истифода карда мешаванд”, - афзудааст Зиёдулло Абдулзода.
Бояд гуфт, ки гузариш ба низоми таҳсилоти 12-сола дар макотиби кишвар чандин сол аст мавриди баррасӣ қарор мегирад. Ва ин аз камтарин ҳолатҳое, ки муовини вазири маориф ҷузъиёти ин тасмимро то андозае ошкор карда, муҳлати татбиқи онро зикр мекунад.
“Заволи пиряхҳо” – филми мустанад оид ба хатари обшавии пиряхҳои Тоҷикистон
Бидуни журнали анъанавӣ. Дар кадом мактабҳои Душанбе истифодаи журнали электронӣ ҷорӣ шудааст?
Artel. Бузургтарин фабрикаи истеҳсоли техникаи маишӣ чӣ тавр фаъолият мекунад?
Дар Донишгоҳи миллии Тоҷикистон Стипендия ба номи Соҳиб Табаров таъсис дода шуд
Китоби “Тоҷикон”-ро нагирифтед? Аз ҳукуматҳои маҳаллӣ пурсед!
Корхонаи коркарди нафти Данғара шарик ва ашёи хом барои коркард меёбад?
“Аудиокитоб” бо Субҳон Ҷалилов. Маснавии маънавӣ. Ҳикояи “Тарсутар аз тарсу”
Далер Назаров ҷоизаи давлатӣ гирифт
Эмомалӣ Раҳмон бо сафари корӣ ба Суғд меравад. Кадом роҳҳои вилоят баста мешавад?
Дар Қирғизистон “Толибон”-ро махфиёна аз рӯйхати созмонҳои террористӣ хориҷ карданд
Кулли ахбор
Авторизуйтесь, пожалуйста