Душанбе. 12-уми май. Азия-Плюс — Раиси Ҳизби коммунисти Тоҷикистон Шодӣ Шабдолов дар мусоҳиба бо хабарнигори «Азия-Плюс» изҳор дошт, ки ҳукумати Тоҷикистонро мебояд нисбати гурӯҳи монополистони бозори воридоти маводи маҳсулоти нафтӣ чораҳои қатъӣ биандешад.
Ба эътиқоди мавсуф, мизони суръати болоравии нархи маводи сӯзишворӣ дар Тоҷикистон кайҳо тамоилҳои ҷаҳониро гузаштаанд ва болоравии нархи маводи сӯзишвории нафтӣ дар бозорҳои ҷаҳонӣ маънои онро надорад, ки нархи бензин дар шаҳри Душанбе ба нархи он дар Ню-Йорк баробар бошад.
Дар ҳамин ҳол, Шодӣ Шабдолов таъкид кард, ки рӯйдодҳои ахири фоҷеабори минтақаи Шарқи Наздик ва рушди босуръати иктисоди кишварҳое чун Чину Ҳиндустон омили аслии болоравии нархи маҳсулоти нафтӣ мебошанд. «Захираҳои ҷаҳонии нафту ангишт тайи 50-100 соли минбаъда ба охир мерасанд ва хатари истифодаи энергияи атомӣ ҳамарӯза возеҳтар аён мегардад, - гуфт ӯ. -Дар чунин шароит талабот ба истифодаи навъҳои энергияи барқароршаванда афзоиш меёбад, ки Тоҷикистон бо захоири обиву энергетикии худ аз он бой аст ва агар мо имрӯз аз ин имконияти худ истифода набарем, минбаъд таърих моро нахоҳад бахшид».
Дар идома раиси Ҳизби коммунисти Тоҷикистон иброз дошт, ки дар баробари рушди гидроэнергетика набояд масоили азхудкунии биоэнергетика, пеш аз ҳама энергияи бодӣ ва офтобиро фаромӯш сохт, зеро гидроэнергетика аз шароитҳои обуҳаво вобастагии зиёд дорад.
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Кулли ахбор
Авторизуйтесь, пожалуйста