Душанбе. 20-уми май. Азия-Плюс — Ширкати эронии «Фароб», ки ба сохтмони нерӯгоҳи барқӣ-обии «Сангтӯда-2» дар Тоҷикистон машғул аст, минбаъд ба интиқоли таҷҳизоту механизмҳои стратегӣ тавассути қаламрави Ӯзбекистон хотима мебахшад.
Намояндаи ширкати мазкур Саид Аскарӣ ба хабарнигори ОИ «Азия-Плюс» изҳор дошт, ки минбаъд тавассути қаламрави Ӯзбекистон танҳо он бору таҷҳизотеро интиқол хоҳанд дод, ки онро метавон муддати чанде интизор шуд. «Ин тасмим ба он далел пеш гирифта шуд, ки соли гузашта дар истгоҳҳои роҳи оҳани кишвари ҳамсоя масолеҳи сохтмону таҷҳизоти барои нерӯгоҳ пешбинишуда муддати якчанд моҳ боздошта шуда буданд ва лозим омад, ки борҳои махсусан муҳимро тавассути роҳи ҳавоӣ интиқол диҳем, ки ин тарзи интиқол хеле гарон аст», - гуфт ӯ.
Ба қавли мавсуф, акнун ин гуна масолеҳу таҷхизот дар Чин фармоиш дода шуда, аз ҳамон ҷо оварда мешаванд ва маҳсулоти дар Эрон тайёршуда тавассути қаламрави Афғонистон интиқол дода мешавад.
Саид Аскарӣ ҳамчунин зикр кард, ки ҳукумати Тоҷикистон дархост кардааст, ки навбати аввали нерӯгоҳи «Сангтӯда-2» то моҳи сентябри соли равон ба истифода дода шавад ва дар робита ба ин масъала, аз Эрон мутахассисон даъват гардида, онҳо айни замон масъалаи имкони тезонидани ба истифода додани ду агрегати аввалро мавриди омӯзиш қарор додаанд.
Қаблан мавриди истифода қарор гирифтани навбати аввали нерӯгоҳи «Сангтӯда-2» моҳи феврали соли 2012 ба нақша гирифта шуда буд.
Мавриди зикр аст, ки сохтмони нерӯгоҳи обӣ-барқии «Сангтӯда-2» ҳанӯз замони шӯравӣ оғоз гардида, минбаъд иҷрои корҳо дар он ба иллати камбуди маблағ ва ҳамчунин оғози ҷанги шаҳрвандӣ дар Тоҷикистон боздошта шуда буданд ва сипас соли 2006 бо дастгирии Эрон ба иҷрои корҳои насбу сохтмон дар он идома бахшида шуд.
Тавре пешбинӣ мегардад, иқтидори нерӯгоҳи «Сангтӯда-2» ба истеҳсоли 1 млрд. кВт/соат нерӯи барқ дар як сол баробар хоҳад буд. Пас аз мавриди истифода қарор гирифтани он дар муддати 12,5 сол он моликияти Эрон хоҳад буд ва сипас пурра ба ихтиёри Тоҷикистон супурда мешавад.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста