Дар зарфи 9 моҳи соли равон сатҳи таваррум дар бахши истеъмолии Тоҷикистон 9%-ро ташкил дод.

Бино ба маълумоти Агентии омори назди президенти ҷумҳурӣ, дар ин давра қимати маводи ғизоӣ ба андозаи 10,3% ва дигар маҳсулоти ғайриғизоӣ дар ҳаҷми 5,5% афзуда, афзоиши тарофаҳо ба хизматгузории пулакӣ ба аҳолӣ 10,1% зиёд шудаанд.

Суръати миёнаи моҳонаи таваррум дар бахши истеъмолӣ 1% (дар ҳамин давраи соли гузашта 0,7%)-ро ташкил дод.

Ба иттилои манбаъ, моҳи сентябр нархҳои истеъмолӣ дар ҷумҳурӣ ба андозаи 0,5% афзуданд, аз ҷумла қимати маҳсулоти ғизоӣ – 0,8%, дигар маҳсулоти ғайриғизоӣ -0,5% зиёд шуда, тарофаҳои хизматгузориҳои пулакӣ ба андозаи 1% поин рафтанд.

Ҳукумати кишвар ният дошт, ки то ахири сол сатҳи таваррумро дар сатҳи 7% нигоҳ дорад, вале дар миёнаи сол он то ба 11% тасҳеҳ гардид.

Хазинаи байнулмилалии асъор пешбинӣ мкунад, ки имсол сатҳи таваррум дар Тоҷикистон 13,5%-ро ташкил дод. Соли гузашта сатҳи таваррум ба 9,8% баробар буд.

Дар ҳамин ҳол, арзиши маҷмӯи маҳсулоти сабади истеъмолӣ барои як узви оила ба ахири моҳи июн 121 сомонӣ (25,4 $) ва дар ҳолати меъёри истеъмоли маҳсулоти серғизо 255, 85 сомонӣ (55,8 $)-ро ташкил додааст.