ҶСК «Агроинвестбонк» дар доираи хизмтгузориҳои «Интернет-банкинг» ба мизоҷон хизматгузории нави «Банкинги мобилӣ»-ро пешниҳод намуд.

Тавре аз хадамоти матбуоти бонки мазкур хабар доданд, акнун, баробари пайваст шудан ба хизматрасонии «Интернет - банкинг» ба мизоҷ ба таври ройгон намуди нави хизматрасонӣ «Банкинги мобилӣ» дастрас мегардад. «Бо кӯмаки хизматрасонии мазкур, муштарӣ метавонад ба Бонк наомада, тавассути телефони мобилии хеш, дар давоми шабонарӯз ҳаракати воситаҳоро дар корти пластикии худ назорат кунад, интиқоли воситаҳоро аз корт ба корти дигар, аз ҳисоб ба ҳисоби дигар амалӣ намуда, барои таъмини бехатарӣ ҳангоми харид дар интернет – мағозаҳо ва ғайра кортҳои вертуалӣ тайёр намояд», - гуфтанд дар хадамоти матбуот.

Ба иттилои манбаъ, барои ҷойгир сохтани «Банкинги мобилӣ» дар телефони мобилӣ, зарур аст, аз сомонаи бонк Java - замимаи махсуси «TW Mobile Banking», ки интерфейси ғайри ихтиёр фаҳмои қулайро пешниҳод мекунад, нусхабардорӣ шавад. «Барои ин танҳо лозим меояд, ки замимаро аз сомонаи бонк фаъол намуд ва корт - ҳисоби мизоҷ мобилӣ мегардад», - афзуд сарчашма.