Дар зарфи 8 моҳи соли ҷорӣ дар корхонаҳои саноатии Тоҷикистон ба маблағи ҳудуди 5 млрд. 820 млн. сомонӣ (беш аз 1,2 млрд. $) маҳсулоти саноатӣ истеҳсол карда шуд.
Тавре аз Агентии омори назди президенти ҶТ иттилоъ доданд, ин нишондиҳанда нисбат ба ҳамин давраи соли гузашта ба андозаи 3,7% зиёдтар аст. Афзоиши ҳаҷми истеҳсоли маҳсулоти саноатиро дар Агентӣ дар навбати аввал ба аз ҳисоби афзоиши истеҳсоли он дар корхонаҳои Вазорати энергетика ва саноат марбут медонанд.
Дар ҳаҷми умумии истеҳсолоти саноатӣ ҳисссаи саноати истихроҷ – 12,7, саноати коркард – 65 ва истеҳсолу тақсимоти нерӯи барқу газ ва об – 22,3%-ро ташкил додааст.
Аз 90 навъи маҳсулоти саноатии муҳим дар 8 моҳи соли равон дар 51 номгӯи он (56,7%) истеҳсоли ҳаҷми маҳсулот афзоиш ва дар 26 номгӯй (28,9%) истеҳсоли он коҳиш ёфта, 13 номгӯи маҳсулот (14,4%) истеҳсол нашудаанд.
Дар ҳамин ҳол, зикр мегардад, ки моҳҳои январ-августи ҳамин сол як қатор корхонаҳои бузурги саноатии ҷумҳурӣ, аз ҷумла КВД «Ширкати алюминии тоҷик» бинобар сабаби камбуди гази табиӣ бо иқтидори пурра кор карда натавонистанд. Бо ин сабаб корхонаи муштараки «Азот» ва ҶСК «Тоҷиксемент» комилан аз фаъолият бозмонданд. Ғайр аз ин, ба иллати кабуди ашёи хом аз нисф зиёди корхонаҳои коркарди нахи пахта низ бо иқтидори пурра фаъолият накардаанд.
Қобили зикр аст, ки соли гузашта дар Тоҷикистон ба маблағи ҳудуди 9,8 млрд. сомонӣ (беш аз 2 млрд. $) маҳсулоти саноатӣ истеҳсол карда шуд.
Видоъ бо Иброҳим Раисӣ дар Душанбе
Мотами миллӣ дар Эрон. Иброҳим Раисӣ кӣ буд, чӣ гуфт ва чӣ кард?
Гумонбарони амали террористӣ дар “Крокус” аз қарори тамдиди муҳлати боздошт шикоят набурданд
Нархи карбамид дар Тоҷикистон ду баробар поин рафт
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Кулли ахбор
Авторизуйтесь, пожалуйста