Зимни нишасти хабарии рӯзи панҷшанбеи ҳафтаи равон мушовири якуми сафоарти Лаҳистон (Полша) дар Тоҷикистон Славомир Стшалковский изҳор намуд, ки ширкатҳои лаҳистонӣ ба роҳандозии ҳамкориҳои тиҷоративу иқтисодии дарозмӯҳлат бао Тоҷикистон манфиатдоранд.
Ба гуфтаи ӯ, тоҷирони лаҳистонӣ дар қатори шарикон аз Иттиҳоди Аврупо фаъолона ҷуёи ҳамкорӣ бо шарикон аз кишварҳои хориҷӣ, аз ҷумла Тоҷикистон мебошанд. «Аз ҷумла, Лаҳистон ба афзоиши маҳсулоти воридотӣ аз Тоҷикистон, ки ҳиссаи асосиашро матоъ ва маснӯъот аз нахи пахта ташкил медиҳад, таваҷҷуҳ дорад», - гуфт ӯ.
Дипломат зикр кард, ки дар навбати худ, ширкатҳои лаҳистонӣ хоҳони афзудани ҳаҷми таъмини бозори Тоҷикистон бо мошинҳо, техникаи кишоварзӣ, масолеҳи сохтмону насб, дорувории тиббӣ ва ғайра мебошанд. «Ҳамчунин ширкатҳои лаҳистонӣ бо шарикон аз Тоҷикистон ҳамкориҳо дар соҳаҳои энергетика, сарчашмаҳои барқароршавандаи энергия, азхудкунии конҳои канданиҳои фоиданок, парвариши зироатҳои кишоварзӣ, истеҳсоли маводи ғизоӣ ва санати сабуку кимиёро ба роҳ монданианд», - гуфт дипломат.
С.Стшалковский инчунин изҳор кард, ки ҳаҷми муомилоти молӣ миёни Тоҷикистону Лаҳистон тамоили афзоиш дошта, аз рӯи натоиҷи соли гузашта ҳаҷми он беш аз 21,6 млн. доллари ИМА-ро ташкил додааст, ки нисбат ба нишондиҳандаи соли 2011 ба андозаи 2,4 маротиба зиёдтар аст.
«Имрӯз ширкатҳои лаҳистонӣ ба Тоҷикистон маҳсулоти ғизоӣ (21% аз ҳаҷми умумии содирот), маводи саноати кимиёвӣ (беш аз 18%) маҳсулоти металлҳои ранга (17%) ва маснӯот аз чӯб (ҳудуди 10%) ворид намуда, маҳсулоти содиротии Лаҳистон ба Тоҷикистон дар маҷмӯъ аз 18 гурӯҳи маҳсулот иборат аст», - афзуд дипломати лаҳистонӣ.
Видоъ бо Иброҳим Раисӣ дар Душанбе
Мотами миллӣ дар Эрон. Иброҳим Раисӣ кӣ буд, чӣ гуфт ва чӣ кард?
Гумонбарони амали террористӣ дар “Крокус” аз қарори тамдиди муҳлати боздошт шикоят набурданд
Нархи карбамид дар Тоҷикистон ду баробар поин рафт
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Кулли ахбор
Авторизуйтесь, пожалуйста