Бо қарори Раёсати Бонки миллии Тоҷикистон аз 18 июн барҳамдиҳии ташкилоти қарзии хурди "Молия“ва сармоя” шурӯъ шуд.
Бино ба иттилои шуъбаи матбуоти Бонки миллӣ, фаъолияти ҶДММ ТАҚХ “Молия ва сармоя” тариқи барҳамдиҳии маҷбурӣ қатъ карда мешавад.
Гуфта мешавад, бар асоси қарори зикршуда иҷозатномаи ҶДММ ТАҚХ “Молия ва сармоя”, ки аз ҷониби Бонки миллии Тоҷикистон барои анҷом додани амалиётҳои бонкӣ дода шудааст, бозхонд карда шуд.
Зимнан зикр мегардад, ки самтҳои дигари фаъолияти ташкилоти зикргардида дар асоси қарори қабулгардида аз ҷониби Бонки миллии Тоҷикистон дар доираи қонунгузории амалкунанда баррасӣ карда мешаванд.
Президенти Тоҷикистон Эмомалӣ Раҳмон санаи 10 майи соли ҷорӣ дар вохӯрӣ бо кормандони мақомоти молия ва андоз, гумрук ва соҳаи бонкӣ изҳор намуд, ки бар асари буҳрон дар низоми бонкӣ шумори ташкилотҳои қарзӣ дар Тоҷикистон тайи чор соли охир қариб ду баробар кам шудааст.
“То оғози буҳрони бонкӣ, яъне соли 2014, дар кишвар 137 ташкилоти қарзӣ амал карда, соли 2018 шумори онҳо то 79 ташкилот кам шуд”, - таъкид дошт президент.
Бино ба гуфтаи ӯ, аз ҳама бештар иҷозатномаҳои ташкилотҳои қарзии хурд бозхонд шуда, шумори онҳо аз 125 адад дар соли 2012 то ба 62 адад дар соли 2018 кам шудааст.
Бино ба маълумоти Бонки миллии ҷумҳурӣ, айни замон дар Тоҷикистон 78 ташкилоти қарзӣ: 17 бонк, 24 ташкилоти хурди амонатгузорӣ, 6 ташкилоти қарзии хурд ва 31 фонди қарзии хурд амал мекунанд.
Қобили зикр аст, ки 52 ташкилоти қарзӣ дар марҳилаи барҳамдиҳӣ қарор доранд, ки 22-тоашон тариқи маҷбурӣ фаъолияташон қатъ мешавад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Ҳасрати зан ё шуҳрат? Ҳарзасароӣ дар шоу-бизнеси тоҷик
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Кулли ахбор
Авторизуйтесь, пожалуйста