Тавре хадамоти матбуоти Вазорати кишоварзии ҷумҳурӣ хабар медиҳад, то имрӯз дар Тоҷикистон беш аз 16% аз нақшаи пешбинишуда пахта ҷамъоварӣ шудааст.
Бино ба маълумоти Раёсати рустанипарварии Вазорат, имсол дар майдони 185 ҳазору 570 гектар пунбадона кишт шудааст, ки нисбат ба соли пешин 1,7 ҳазор гектар зиёдтар мебошад.
Пахтакорони тоҷик ният доранд, ки имсол наздики 400 ҳазор тонна ҳосил ба даст оранд. Соли гузашта дар ҷумҳурӣ беш аз 300 ҳазор тонна пахта ҷамъоварӣ шуд, ки 22,3% камтар аз соли 2017 аст. Дар ин робита ҳукумат ба мақомоти маҳаллӣ ҷиҳати афзоиши майдони кишти пахта дастур дод.
Бино ба маълумоти Вазорати кишоварзӣ, ба маъракаи ҷамъоварии пахта ҳудуди 136 ҳазор нафар ҷалб шудаанд. Онҳо дар як рӯз то 6 ҳазор тонна ҳосил ҷамъ овардаанд, ки ба як кас 40-50 кило рост меояд. Барои 1 кило пахтаи ғункарда ба чинакчиён аз 40 то 60 дирам мепардозанд.
Дар маъракаи ҷамъоварии пахта айни замон дар ҷумҳурӣ кишоварзони ноҳияи Шаҳритӯс пешсафанд, ки 60%-и нақшаро иҷро кардаанд.
Қобили зикр аст, ки пахтачинӣ дар вилояти Хатлон даҳаи охири моҳи август шурӯъ шуд. То охири сол деҳқонон беш аз 275 ҳазор тонна ин навъи зироатро ҷамъоварӣ карданианд.
Баҳри ҳавасмандсозии кишоварзон дар вилояти Хатлон мусобиқаи “60 рӯзи меҳнати зарбдор дар пахтазор” эълон шудааст.
Раиси вилояти Хатлон Қурбон Ҳакимзода дастур додааст, ки зарбдорони меҳнат ду маротиба дар як моҳ қадрдонӣ карда шаванд. Мувофиқи ин қарор, ба се ноҳияи пешсаф дар ҳаҷми 15, 10 ва 5 ҳазор сомонӣ мукофотпулӣ супорида мешавад.
Қобили зикр аст, ки нахи пахта яке аз маҳсулоти асосии содиротии Тоҷикистон ба шумор меравад. Тибқи маълумоти Агентии омори назди президенти ҶТ, соли 2018 аз Тоҷикистон ба хориҷи кишвар қариб 93 ҳазор тонна нахи пахта ба маблағи умумии 181,6 млн. доллар содирот шудааст.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Кулли ахбор
Авторизуйтесь, пожалуйста