Бонки миллии Тоҷикистон қурби расмии сомониро нисбат ба рубл дар моҳи гузашта аз 0,1392 сомонӣ дар аввали моҳи сентябр то ба 0,1296 сомонӣ рӯзи 30 сентябр боло бурд.

Дар партави хабарҳо дар бораи афзоиши қурби биржавии рубл, қурби рубл имрӯз, 1 октябр то 0,1131 сомонӣ барқарор шуд.

Бино ба маълумоти биржаи Маскав, доллар чанде пеш шомгоҳон 1 рублу 37 тин арзон шуд.

ВАО-и Русия хабар медиҳанд, ки Бонки марказӣ аз 1 октябр фурӯши асъорро дар бозор зиёд мекунад. Ин бояд ба таҳкими қурби рубл, ки тайи рӯзҳои ахир бар асари хавфҳои геополитикӣ поин рафт, кумак кунад.

Бонки марказии Русия ният дорад, ки то охири сол ба маблағи 185 млрд рубл асъор фурӯшад. Ҳамарӯза дар бозор илова ба фурӯши он барои Вазорати молия тибқи қоидаи буҷетӣ, ба маблағи 2,9 млрд рубл фурӯши асъор пешниҳод мешавад. Ҳаҷми рӯзонаи чунин амалиёт моҳи сентябр ҳудуди 2,4-2,5 млрд рублро ташкил медод.

Гуфта мешавад, Бонки марказӣ бо фурӯшҳои иловагӣ дар ҳошияи тез-тез тағйирёбии қурб дар бозори асъор мебарояд: давоми ҳафтаи гузашта қурби доллар дар биржаи Маскав қариб 3 рубл боло рафт.

Дар ҳамин ҳол, қурби расмии сомонӣ нисбат ба доллар моҳи охир нисбатан бетағйир (аз 10,3197 сомонӣ барои 1 доллар дар аввали моҳи сентябр то 10,3297 сомонӣ рӯзи 30 сентябр) боқӣ монд. Қурби сомонӣ нисбат ба асъори аврупоӣ 1,9% (аз 12,3228 сомонӣ барои 1 евро рӯзи 1 сентябр то ба 12,0893 сомонӣ рӯзи 30 сентябр) зиёд шуд.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.ДзенOK ва Google Новости бо мо бимонед.