Вазири нақлиёти Тоҷикистон Азим Иброҳим бо намояндагони ширкатҳои Dai Nippon Construction ва CTI Engineering Co.ltd лоиҳаи сохтмони қитъаи роҳи автомобилгарди “Қизилқалъа-Бохтар” шоҳроҳи Душанбе – Бохтарро баррасӣ кард, хабар медиҳад хадамоти матбуоти Вазорати нақлиёти Тоҷикистон.
Ширкати аввал зикршуда паймонкор буда, ширкати дуюм дар амалисозии лоиҳа ба сифати машваратчӣ иштирок мекунад.
Вазири нақлиёти ҷумҳурӣ ба ширкати паймонкор пешниҳод намуд, ки барои бештар пурсамар истифода шудани маблағҳо лоиҳаро бо ҷалби ширкатҳои маҳаллӣ амалӣ созад.
Ӯ зикр кард, ки дар вазъияти пандемия интиқоли техникаю таҷҳизотҳо аз Ҷопон ба Тоҷикистон ва хароҷотҳои вобаста ба ин равандро метавон тариқи ҷалби имкониятҳои дохилӣ сарфа намуд.
“Ин ҳам дар ҳолест, ки Dai Nippon Construction таҷрибаи ҳамкорӣ бо ширкатҳои маҳаллиро дорад ва дар вазъияте, ки хатари бемории коронавирус то ҳол аз байн нарафтааст”, - иброз дошт вазир.
Намояндагони ширкати паймонкор изҳор доштанд, ки масъалаи мазкурро ҳамаҷониба мавриди таҳлил қарор дода, хулосаи худро вобаста ба ин пешниҳод менамоянд.
Ёдрас мекунем, ки созишнома дар бораи сохтмони қитъаи роҳи автомобилгарди “Қизилқалъа-Бохтар” шоҳроҳи Душанбе – Бохтар байни Вазорати нақлиёти Тоҷикистон ва ширкатҳои Ҷопон моҳи апрели соли равон ба имзо расид.
Дар доираи амалисозии лоиҳа аз ҳисоби кумаки бебозгашти молиявии ҳукумати Ҷопон ба маблағи 30,1 млн доллар дар масофаи 9,2 километр роҳи 4-хатта сохта мешавад.
Дар назар аст, ки амалисозии лоиҳаи мазкур дар муддати 22 моҳ пурра ба анҷом расонида шавад.
Қитъаи қариб 40-километрии роҳи мошингарди Душанбе - Бохтар (масофаи умумиаш тақрибан 98 км) аз ҳисоби кумаки бебозгашти Бонки осиёии рушд (БОР) ба маблағи 90 млн доллар таъмиру бозсозӣ мешавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Кулли ахбор
Авторизуйтесь, пожалуйста