Вазорати энеретика ва захираҳои оби Тоҷикистон маълумоти ВАО-ро дар бораи интиқоли барқ ба Қирғизистон рад мекунад.
Дар Вазорат зикр мекунанд, ки Тоҷикистон ба Қирғизистон содироти неруи барқро, ки ҷониби Қирғизистон изҳор медорад, пешниҳод накардааст.
Таъкид мешавад, ки ҳафтаи гузашта раиси Раёсати ҶСК “Национальная энергетическая холдинговая компания” (Ширкати миллии энергетикии ходингӣ)-и Қирғизистон бо мактуби расмии худ ба унвони раиси ШСХК “Барқи тоҷик” маълумот додааст, ки бар асари камобӣ, дар кишвари ҳамсоя камбуди неруи барқ ба мушоҳида мерасад.
Ба ҷониби Тоҷикистон пешниҳод шуд, ки имкони интиқоли барқ ба Қирғизистон баррасӣ шавад.
Гуфта мешавад, рӯзи шанбеи ҳафтаи гузашта зимни вохӯрӣ бо ҳайати Қирғизистон дар Душанбе масъалаи имкони содироти барқ ба ин кишвар мавриди баррасӣ қарор гирифт.
“Айни замон Тоҷикистон ин масъаларо баррасӣ дорад. Дар ин рӯзҳо интиқоли нерӯи барқ аз Тоҷикистон ба Қирғизистон мутобиқи "Методикаи тавозуни мувозинати ҷараёни нерӯи системаҳои энергетикии Осиёи Марказӣ ва минтақаи ҷанубии Қазоқистон" амалӣ карда мешавад” - таъкид мешавад дар хабар.
Зикр мегардад, ки дар ин санад “табодули техникии нерӯи барқ миёни Тоҷикистон ва Қирғизистон барои нигоҳ доштани фаъолияти муассири низомҳои энергетикии ҳарду кишвар” пешбинӣ шудааст. Ин механизм тӯли чанд соли охир татбиқ шуда, муносибатҳои тиҷоратиро дар бар намегирад”.
Ёдрас мекунем, ки қаблан ВАО-и Қирғизистон бо истинод ба мақомоти энергетикии ин кишвар хабар доданд, ки Тоҷикистон аз 1 октябр ба интиқоли барқи худ ба Қирғизистон шурӯъ кард.
“Ҳозир дар Тоҷикистон неруи барқ дар ҳаҷми зарурӣ кофист, аз ин рӯ, ба мо пешниҳод карданд. Дар як шабонарӯз 1 млн кВт/соат нерӯи барқ дастрас мекунем. Нархашро намегӯям. Айни замон дар бораи тарзи пардохт гуфтушунид ҷараён дорад”, - хабар дод рӯзи ҷумъаи ҳафтаи гузашта зимни нишасти хабарӣ вазири энергетикаи Қирғизистон Досқул Бекмурзаев.
Бекмурзаев зикр кард, ки дар моҳи ҷорӣ интиқоли барқ аз Тоҷикистон дар ҳаҷми 30-50 млн кВт/соат ба нақша гирифта шудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста