Тайи ҳафтаи ахир болоравии қурби доллари амрикоӣ нисбат ба пули миллии Тоҷикистон - сомонӣ идома ёфт.
Тибқи қурби расмии Бонки миллии Тоҷикистон, рӯзи 28 феврал 1 доллар ба 10,92 сомонӣ иваз карда мешуд. Як ҳафта пеш (21 феврал) ин нишондиҳанда ба 10,68 сомонӣ баробар буд.
Ба ин тариқ, давоми ҳафтаи ахир асъори амрикоӣ нисбат ба сомонӣ ба андозаи 2,2% қимат шуд.
Аз 1 январи соли ҷорӣ қурби доллар нисбат ба пули миллии Тоҷикистон ба андозаи 7% - аз 10,2 то 10,92 сомонӣ (барои 1 доллар) боло рафт.
Ахиран қурби доллар нисбат ба сомонӣ дар сатҳи рӯзи 28 феврал рӯзи 17 июни соли 2022 қарор дошт.
Беқурбшавии сомонӣ аз оғози сол нисбат ба дигар асъор нисбатан муътадил буд: евро аз 10,92 то 11,56 сомонӣ (5,9%) ва юани Чин - аз 1,49 то 1,57 сомонӣ (5,4%).
Дар ҳамин ҳол, қурби сомонӣ нисбат ба рубли Русия тайи ҳафтаи ахир бетағйир боқӣ монд: 1000 рубл мисли ҳафтаи пеш ба 144,5 сомонӣ иваз мешавад.
Ҳамчунин, қурби феълии сомонӣ дар баробари рубл дар қиёс бо қурби ин ду асъор то 1 январи соли ҷорӣ амалан дар як сатҳ қарор дорад.
Пули Русия, ки ба далели равобити наздики тиҷоративу иқтисодии ду кишвар то андозае ба қурби сомонӣ таъсир мерасонад, дар моҳи феврал дар баробари доллар тақрибан 7% поин рафт.
Бино ба маълумоти Бонки марказии Русия, қурби доллар аз 70,52 рубл дар рӯзи 1 феврал то ба 75,43 рубл дар рӯзи 28 феврал боло рафт.
Таҳлилгари Банки.ру Богдан Зварич сустшавии мавқеъи рублро ба афзоиши талабот ба арзи хориҷӣ барои воридот ва коҳиши воридоти асъор аз содиркунандагон бар асари таҳримҳо ва поин рафтани нархҳо дар бозорҳои молу маҳсулот марбут медонад.
Ӯ тағйироти минбаъдаи тавозунро ба нафъи арзҳои хориҷӣ пешбинӣ мекунад, ки дар динамикаи рубл дар моҳи март инъикос хоҳад ёфт.
“Дар шароити кунунӣ пули миллӣ дар нимаи аввали моҳи март метавонад мавҷи заифшавиро идома диҳад, ки дар натиҷа ба баландтарин сатҳ расидани доллар, евро ва юан аз эҳтимол дур нест”, - тахмин мекунад Зварич.
Ёдрас мекунем, ки дар соли 2022 қурби сомонӣ нисбат ба асъори хориҷӣ, ки дар ҷумҳурӣ бештар талабот доранду ба сохтори захираи тиллою асъори кишвар дохиланд, ба таври бесобиқа мустаҳкам гардид.
Ба ин тариқ, соли гузашта қурби сомонӣ нисбат ба доллар ба андозаи 9,4%, евро - 14,8%, юан - 16,2% ва рубл - 3,7% боло рафт.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста