Вазири саноат ва технологияҳои нави Тоҷикистон Шералӣ Кабир зимни нишасти матбуотии рӯзи 7 август изҳор дошт, ки моҳи майи соли 2023 дар Тоҷикистон корхонаи “Сипар гурӯҳ” мавриди истифода қарор гирифт, ки ба ҷамъу васлсозии мошинҳои махсуси ҳарбӣ машғул аст.
Шералӣ Кабир зикр кард, ки техникаи зиреҳпӯши дар Тоҷикистон истеҳсолшуда аз ин гуна мошинҳое, ки имрӯз дар Ӯзбекистону Қазоқистон истеҳсол карда мешаванд, ҳеҷ камие надорад.
Зикр шуд, ки айни замон дар Вазорати саноат шуъбаи махсус оид ба рушди саноати мудофиа амал мекунад.
Ба гуфтаи вазири саноат, техника ва мошинҳои зиреҳпӯш дар Тоҷикистон аз рӯи технологияҳои Канада истеҳсол карда мешаванд.
Яке аз бартариҳои техникаи зиреҳпӯши Тоҷикистон дар он аст, ки барои чархҳои онҳо металли босифат аз захираҳои маҳаллӣ истифода мешавад.
Қобили зикр аст, ки қаблан бо иштироки президенти кишвар Эмомалӣ Раҳмон дар шаҳри Турсунзода корхонаи “Сипар гурӯҳ” ба истифода дода шуд, ки самти фаъолияти асосии он ба ҷамъу васлсозии мошинҳои махсуси ҳарбӣ ва гражданӣ равона гардидааст.
Дар ин корхона, ки дар ҳамкорӣ бо шарикони рушд таъсис ёфтааст, дар марҳилаи аввал бо ворид намудани қисмҳои алоҳида аз хориҷи мамлакат ҷамъу васли 17 намуд нақлиёти махсус ба роҳ монда шудааст ва оянда ин нишондод афзоиш дода мешавад.
Иқтидори солонаи корхонаи нави саноатӣ ҷамъу васли 120 нақлиёт мебошад ва оянда бо назардошти талабот ин рақам афзоиш хоҳад ёфт.
Мошинҳои омодашаванда дар ин корхона барои таъмини ҷузъу томҳои Қувваҳои мусаллаҳи Тоҷикистон нигаронида шудаанд. Ҳамчунин оянда содироти он ба кишварҳои хориҷ дар назар аст.
Лекин дар бораи чӣ миқдор истеҳсол шудан то ин дам ва ба Қувваҳои мусаллаҳи ҷумҳурӣ равона гардидани онҳо вазир маълумот надод.
Тирамоҳи соли 2022 хабар дода шуда буд, ки Тоҷикистон баҳри таъмини амнияти худ истеҳсоли ҳавопаймоҳои бесарнишини Ababil-2-ро ба роҳ монд.
Дар ин робита Шералӣ Кабир изҳор намуд, ки ин лоиҳаи Вазорати саноат нест, лекин дар оянда метавон истеҳсоли ҳавопаймоҳои бесарнишинро бо ҳадафҳои истифодаи он дар ҳаёти осоишта роҳандозӣ кард.
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
“Сомон Эйр” аз Хуҷанд ба Урумчӣ хатсайри мустақим роҳандозӣ мекунад
Огоҳии КҲФ аз обуҳавои номусоиди рӯзҳои наздик
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Кулли ахбор
Авторизуйтесь, пожалуйста