Дар муқоиса бо ҳамин давраи соли гузашта ҳаҷми истеҳсоли маҳсулоти кишоварзӣ дар Тоҷикистон беш аз 100% афзуд.
Ба иттилои Вазорати кишоварзии ҷумҳурӣ, ҳаҷми умумии маҳсулоти кишоварзӣ дар нимсолаи аввали соли ҷорӣ 21,4 млн сомониро ташкил дод, ки 109,6% зиёдтар нисбат ба 6 моҳи соли 2023 мебошад.
Дар сохтори истеҳсоли маҳсулоти кишоварзӣ афзоиш ба мушоҳида мерасад, ҳам дар растанипарварӣ ва ҳам дар чорводорӣ.
Аз ҷумла, ба маблағи 14 802 млн сомонӣ маҳсулоти растанипарварӣ истеҳсол шудааст, ки 110,9%-и нишондиҳандаи соли гузаштаро ташкил медиҳад. Ҳаҷми маҳсулоти чорводорӣ 6 670 млн сомониро ташкил дода, ба 106,7% баробар аст.
Бино ба маълумоти оморӣ, ҳаҷми истеҳсоли зироати ғалладона дар ин давра 685 340 тоннаро ташкил додааст, ки нисбат ба соли гузашта 19 900 тонна зиёдтар мебошад. Картошка дар ҳаҷми 267 111 тонна истеҳсол шуда, 5 501 тонна зиёд шудааст.
![](https://asiaplustj.info/sites/default/files/articles/338620/photo_2024-07-15_11-26-24.jpg)
Ҳамчунин имсол 129 050 тонна сабзавот (111,4% нисбат ба соли гузашта), 113 747 тонна биринҷ (138,0%), 39 408 тонна мева (121,3%), 362 тонна ангур (115,4%) ва 15 821 тонна зиёдтар хӯрокаи чорво (103,6%) истеҳсол шудааст.
Дар соҳаи чорводорӣ низ тамоили мусбат ба қайд гирифта шуда, дар зарфи 6 моҳи соли равон 107,6 ҳазор тонна гӯшт истеҳсол шудааст, ки 6,8 ҳазор тонна ё худ 6,7% зиёдтар дар муқоиса бо ҳамин давраи соли 2023 мебошад.
Ёдрас мекунем, ки соли 2023 дар Тоҷикистон 342 ҳазор тонна гӯшти гову гӯсфанд, инчунин зиёда аз 55 ҳазор тонна гӯшти мурғ истеҳсол шуд.
Сарфи назар аз афзоиши ҳаҷми истеҳсоли гӯшт, он ҳоло ҳам наметавонад талаботи аҳолиро қонеъ кунад. Бино ба маълумоти оморӣ, ҳаҷми истеҳсоли гӯшт бо вазни зинда ҳудуди 235-240 ҳазор тоннаро ташкил медиҳад. Бо назардошти вазни гӯшт пас аз забҳ бо меъёри 40,8 кг он тақрибан ба 24 кг гӯшт ба ҳар сари аҳолӣ дар як сол рост меояд.
Ин маънои онро дорад, ки Тоҷикистон дар сатҳи 58% худро бо гӯшт таъмин мекунад ва ин дар муқоиса бо 25-30%-и даҳ сол пеш хеле беҳтар буда, лекин ҳоло ҳам кофӣ нест ва рушди минбаъдаи соҳаи чорводориро тақозо мекунад.
“Қариб 15 сомонӣ арзонтар!” Дар ярмаркаҳо бо чанд сомонӣ як мактабхонро бо сару либос таъмин намудан мумкин аст?
Эълон барои гузаронидани озмун
Додгоҳ муҳлати ҳабси чаҳор гумонбари дигари ҳамла ба “Крокус”-ро дароз кард
Литва шаҳрвандони Тоҷикистонро ба кор даъват мекунад
Дар Душанбе “Иди тарбуз ва харбузаву каду” баргузор мешавад
“Обилаи маймун”. Вазорати беҳдошти Тоҷикистон барои пешгирӣ кадом чораҳоро андешидааст?
Сарвазири Ӯзбекистон бори аввал ба Афғонистон рафт
Қосимҷомарт Токаев бо сафари давлатии дурӯза ба Тоҷикистон меояд
Покистон дарёфти раводид барои шаҳрвандони Тоҷикистонро ройгон кард
Коҳиши ҷиноят аз сӯи муҳоҷирони корӣ дар Русия
Кулли ахбор
Авторизуйтесь, пожалуйста