Дар шаш моҳи соли ҷорӣ Тоҷикистон ба арзиши 456,6 ҳазор доллар ба Қирғизистон молу маҳсулот интиқол додааст. Ин нишондиҳанда дар шашмоҳаи аввали соли 2023 ба сирф баробар буд. Дар ин бора, Ҳакимбек Накҳатзода, сардори Сарраёсати Агентии омор дар Суғд дирӯз, 14-уми август зимни нишасти хабарӣ бо такя ба маълумоти оморие, ки аз Раёсати минтақавии гумруки вилояти Суғд дастрас кардааст, иттилоъ дод.

Ӯ гуфт, дар нимсолаи аввали имсол Тоҷикистон аз Қирғизистон ба арзиши 83 ҳазор доллар молу маҳсулот, аз ҷумла ба 2,9 ҳазор доллар қувваи барқ ворид кардааст, ки нисбат ба ҳамин давраи соли гузашта 0,9 ҳазор доллар кам аст. Нимсолаи аввали соли пор Тоҷикистон аз Қирғизистон ба арзиши 16 ҳазор доллар, аз ҷумла 3,8 доллар қувваи барқ ва 10,5 ҳазор доллар обгармкунакҳои барқӣ ворид карда буд.

Тибқи маълумотҳои омории Раёсати минтақавии гумруки вилояти Суғд пеш аз баста шудани марз дар соли 2021 аз кишвари Қирғизистон ба Суғд беш аз 70 навъ мол ворид мешуд. Молу маҳсулоти содиротӣ ҳам беш аз 35  номгӯйро бар дар мегирифт. Дар муддати се соли марзбандиҳои ҷониби Қирғизистон аз 72 номгуй моли воридотӣ 70 номгуй коҳиш ёфта,  ҳамагӣ 2 номгуй боқӣ мондааст.

Ҳакимбек Накҳатзода
Asia-Plus

Ба маълумоти Агентии омори ҶТ, соли 2019 ҳаҷми гардиши молу маҳсулот байни кишварҳо 54,2 млн долларро ташкил дода, ҳамагӣ ба 1,2% аз ҳаҷми умумии савдои хориҷии Тоҷикистон баробар буд. Он замон ҳудуди 80%-и ҳаҷми савдои дуҷониба ба интиқоли мол аз Қирғизистон ба Тоҷикистон ва каме бештар аз 20% ба содирот аз Тоҷикистон рост меомад.

Дар Telegram, Facebook ва Instagram бо мо бимонед.