Арзиши 1 литр гази моеъ дар нуқтаҳои фурӯши сӯзишворӣ дар шаҳри Душанбе давоми ду ҳафтаи охир аз 8 сомонву 20 дирам то 7 сомониву 30 дирам поин омадааст.
Дар Вазорати энергетика ва захираҳои оби Тоҷикистон ба “Азия-Плюс” гуфтанд, ки сабаби поин шудани нархи газ бекор шудани маҳдудиятҳо ва ба охир расидани қоидаҳои бехатарӣ ҳангоми истифодаи гази моеъ дар фасли тобистон мебошад.
“Воридот аз ҳисоби гармӣ камтар шуда буд ва ҳоло, ки гармӣ баланд нест воридоти гази моеъ низ бештар гардид. Ҳамчунин дар бархе аз корхонаҳо корҳои бехатарӣ ба анҷом расид. Ду маротиба арзиши гази моеъ поин омад, аввал 7,70 буд ки 7,50 шуд ва аз дирӯз инҷониб 7,30 сомонӣ муайян шудааст”,- гуфтанд дар вазорат.
Нуқтаҳои фурӯши гази моеъ дар пойтахти кишвар ду ҳафта қабл ба фурӯши шабонарӯзии гази моеъ, оғоз карданд.
То ин вақт фурӯши чаканаи гази моеъ рӯзона боздошта мешуд ва Вазорати энергетика инро ба ҳарорати баланди ҳаво рабт дода буд.
Бояд гуфт, ки аз оғози нимсолаи дуюми соли равон арзиши гази моеъ - аз 5,80 сомонӣ то 8,30 сомонӣ барои 1 литр (афзоиш ба андозаи 43,1%) боло рафт.
Тибқи маълумоти Хадамоти зиддиинҳисорӣ, дар 6 моҳи соли ҷорӣ ба Тоҷикистон 195,5 ҳазор тонна гази моеъ ворид карда шудааст, ки нисбат ба ҳамин давраи соли 2023 12,3 ҳазор тонна камтар аст.
Бояд гуфт, ки ҳудуди 60%-и автомобилҳо дар Тоҷикистон ба сифати сӯзишворӣ аз гази моеъ истифода мебаранд, ки нисбат ба бензин ва сӯзишвории дизелӣ (солярка) арзонтар мебошад.
Таҳдид ё эътирофхоҳӣ? Чаро Толибон мехоҳанд марз бо кишварҳои Осиёи Марказиро бозбинӣ кунанд?
Роҳи самти Комбинати гӯшт, ки беш аз ду моҳ боз баста буд, қисман боз шуд
"Нони шарикӣ"-ро дар маҳфили “Гуфтугӯи тамаддунҳо” ба баҳс мекашанд
Дар Душанбе “Иди себ ва ангур” баргузор мешавад
Иттиҳоди Аврупо имконоти мутахассисони тоҷикро дар соҳаи захираҳои об густариш медиҳад
Мақомот чойхонаи маъруфи “Харбуза”-ро ба фурӯш гузоштанд
Саркӯби навбатии озодии баён. Толибон пахши барномаҳои зинда ва интиқоди қонунҳову пулисро дар расонаҳо манъ карданд
“Ҷанги сард”, зеҳни сунъӣ, “сиёсати духӯра” ва вазъи Фаластину Афғонистон. Эмомалӣ Раҳмон дар ҷаласаи 79-уми СММ боз чӣ гуфт?
“Аудиокитоб” бо Субҳон Ҷалилов. Маснавии маънавӣ. Ҳикояи "Амон аз каҷандешон"
Падаре, ки аз маблағҷамъкунӣ дар Литсей шикоят карду ба додгоҳ кашида шуд, мехоҳад тарки Тоҷикистон кунад
Кулли ахбор
Авторизуйтесь, пожалуйста