Душанбе. 11-уми май. ОИ «Азия-Плюс» - Дар Тоҷикистон бар асари офатҳои табиӣ боз чор тани дигар ба ҳалокат расид.

            Тавре ба ОИ «Азия-Плюс» аз Вазорати умури дохилии ҶТ хабар доданд, шаби 9-уми май дар километри 158-уми роҳи мошингард, дар ағбаи Шаҳристон бар асари сангфароӣ автомашинаи КАМАЗ ба ҷарии чуқуриаш 550 метр сарозер

меравад ва дар натиҷа ронандаву ду нафар мусофири ӯ ба ҳалокат мерасанд. «Ҳамаи онҳо сокинони ноҳияи Панҷакент мебошанд», - гуфт манбаъ.

            Тибқи маълумоти манбаъ, рӯзи 9-уми май дар ноҳияи Айнӣ зимни чаронидани чорво аз кӯҳ ярч фаромада, чӯпон – Анвар Нарзиевро зинда ба зинда ба коми худ мекашад.

            Ёдрас мекунем, ки рӯзи 8-уми май дар ноҳияи Турсунзода бар асари фаромадани сел 3 нафар кӯдаки ноболиғ фавтида буданд.