Душанбе. 9-уми июл. ОИ «Азия-Плюс» - Чанде қабл дар минтақаи шарқи кишвар шомгоҳон якчанд шахсони мусаллаҳ тавассути посгоҳи «Сафедхок», ки дар наздикии пули болои рӯдхонаи Сурхоб воқеъ аст, кӯшиши ба маркази ноҳияи Тавилдара ворид шуданро карданд. Дар ин бора ба ОИ «Азия-Плюс» як манбаъ аз маъмурияти маҳаллӣ иттилоъ дод.
Ба қавли сокинони маҳаллӣ, дар наздикии посгоҳ ҳатто садои тирпарронӣ шунида шудааст. «Афроди номаълум дар панҷ автомашина мехостанд посгоҳро убур созанд, вале ба муқобилияти мусаллаҳона з ҷониби кормандони милиса дучор гардиданд», - гуфт яке аз шоҳидони ҳодиса, ки аз ифшои номаш худдорӣ варзид. Ба гуфтаи ӯ, якчанд нафар аз ин гурӯҳ захмӣ шуда, пас аз типарронии дуҷонибаи шадид ба онҳо муяссар шуд, ки худро паноҳ гиранд.
Дар ҳамин ҳол, дар мақомоти ҳифзи ҳуқуқ ин иттилоъро на рад месозанду на тасдиқ мекунанд. «Ман алҳол дар ин хусус чизе гуфта наметавонам», - гуфт дар сӯҳбат бо хабарнигори минтақавии ОИ «Азия-Плюс» муовини срдори шӯъбаи умури дохилии ноҳияи Тавидара Исҳоқ Латипов.
Чанде аз соҳибони мошинҳо тариқи телефон ба ОИ «Азия-Плюс» иттилоъ доданд, ки чанде пештар шомгоҳон каме дуртар аз маҳалли ҳодиса дар наздикии деҳаи Чилдара ҳудуди 40 автомашина, ки ба ВМКБ равона буданд, ҷамъ шуданд. «Роҳ баста шуда буд, вале айни замон роҳ барои ҳаракати нақлиёт боз гардид», - гуфт яке аз ронандагон.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста