Рӯзи 10-уми августи соли равон, тахминан соатҳои 2-и шаб қароргоҳи бахши Ҳизби наҳзати исломии Тоҷикистон дар шаҳри Ваҳдат аз тарафи шахси номаълум бо пош додани маводи сӯхт (бензин) ба тирезаҳои берунии ҳуҷра оташ зада шуд.
Тавре дар сомонаи расмии ХНИТ хабар дода мешавад, хушбахтона, оташ қисмате аз тирезаҳои пластикиро сӯзонда, ба дохили ҳуҷра паҳн нашудааст. Бо дастури сардори шӯъбаи корҳои дохилии шаҳри Ваҳдат генерал Мансур Бухориев масъулини тафтишотӣ ва умури ҷиноии шӯъбаи мазкур ба тафтиши қазия пардохтанд.
Дар иттилои интишоргардида дар сомона ба ҳодисаи мавриди тирпарронӣ қарор гирифтани қароргоҳи ҲНИТ дар шаҳри Хоруғ зимни амалиёти низомии сохторҳои ҳукуматӣ ишора меравад.
«Онҳо ба қароргоҳи ҳизб омада, дашномҳои қабеҳро дар ҳаққи бародарон ва хоҳарони ҳизбӣ гуфтанд ва бинобар ин, нафаре имрӯзҳо ба идораи ҳизб намеояд, зеро эҳсоси тарс ҳаст», - мегӯяд яке аз роҳбарони ҳизб Маҳмадалии Ҳаит.
Ғайр аз ин, аз сӯхтори 25-уми октябри соли 2010 дар маркази фарҳангии занонаи ҳизб, ки дар қароргоҳи марказии ҲНИТ қарор дошт, низ ёдоварӣ шуда, зикр мегардад, ки ду сол пеш маркази фарҳангии занонаи ҳизб, ки дар он занони фаъоли ҳизб намоз мехонданд, ба коми оташ рафта, пурра валангор шуда буд.
Он замон маҳз атрофи бинои ин марказ миёни Кумитаи умури дини назди ҳукумат ва мақомоти раҳбарии ҲНИТ баҳс ҷараён дошт. Кумитаи умури дин тавсия дода буд, ки дар ин марказ намоз гузорида нашавад, зеро он ба Қонуни ҶТ «Дар бораи дин ва иттиҳодияҳои динӣ» мухолиф аст. Қонуни мазкур ибодат дар биноҳои ташкилоту муассисаҳоро маҳдуд менамояд.
Рӯзи омӯзгорон. Сокинон дар бораи муаллими худ чӣ мегӯянд?
Адабиёт, мактаб ва расонаву филмҳо. Чӣ гуна забони меъёри тоҷикиро оммавӣ кунем?
"Шуълаи орзу". Филми мустанад дар бораи ҷавоне, ки мушкилиҳои зиндагӣ ӯро қаҳрамон кард
Истаравшан шаҳри умумиҷаҳонии ҳунармандӣ шуд. Ин шаҳр бо чӣ машҳур аст?
Ду медали Тоҷикистон дар мусобиқоти ҷудои ҷаҳон миёни ҷавонон
“Мехост хонаи давлатиро хусусӣ кунад” Ҷузъиёти боздошти роҳбари дастгоҳи шаҳри Истиқлол
Парлумони Тоҷикистон тартиби соддакунии ҳамлу нақли борро бо Ӯзбекистон тасдиқ кард
“Пул надоштам”. Милитсияи пойтахт навори ҷузъиёти ҳамла ба ронандаи “Як такси”-ро нашр кард
Нашри китоб дар бораи таърихи ҷанги шаҳрвандӣ ва корномаи Эмомалӣ Раҳмон бо забони арабӣ дар Миср
"Ба ихроҷ омода шавед". Дар Русия амалиёти “Нелегал-2024” мегузарад
Кулли ахбор
Авторизуйтесь, пожалуйста