Кумитаи ҳолатҳои фавқулода ва мудофиаи граждании назди ҳукумати Тоҷикистон иттилоъ медиҳад, ки рӯзҳои 14-15 июл дар қаламрави ҷумҳурӣ обуҳавои номусоид дар назар буда, борони шадиди сел, раъду барқ ва пурзӯр шудани вазиши шамол то 17-22 метр дар як сония пешбинӣ мешавад.
Корманди маркази матбуоти Кумита Умеда Юсуфова ба «Азия-Плюс» дар ин робита иттилоъ дод, ки зимни раъду барқ осеб дидани иншооте имконпазирмебошад, ки бо таҷҳизоти ҳифз аз оташак (молния)-и раъду барқ таъмин нестанд.
«Ҳангоми вазидани шамоли сахт имкони хароб шудани хатҳои интиқоли барқ, қисман шикастану афтодани дарахтҳо, сохторҳои бузургҳаҷми рекламавии номустаҳкам низ вуҷуд дошта, ба осеб дидани воситаҳои нақлиёт, афзоиши ҳодисаҳои ҷароҳатбардорӣ миёни аҳолӣ боис шуда метавонанд», - иброз дошт ӯ.
Зимнан зикр гардид, ки дар ин робита Кумита аз шаҳрвандони кишвар ва меҳмонон дархост мекунад, ки дар ин рӯзҳо ба хотири эҳтиёт ва таъмини амнияту бехатарии худ ба тавсияҳои зерин риоя кунанд:
- пӯшидани тирезаҳо зимни аз хона бадар шудан;
- мувофиқи имкон дар гараж гузоштани автомашина ва дар сурати мавҷуд набудани он, гузоштани воситаи нақлиёт дуртар аз дарахтҳо ва сохторҳои номустаҳкам;
- гаштугузори дуртар аз назди панҷараи лавҳаҳои рекламавӣ ва сохторҳои ҷунбону ноустувор.
“Қадаш як ваҷаб аст, автоматро қапида наметавонист”. Сӯҳбати озоди волидони Далерҷон Мирзоев бо хабарнигорон
Дар Тоҷикистон “ҷодугарону муллоҳои тӯмордеҳ”-ро рӯйхат мекунанд
Туркия ба Тоҷикистон барои харидории бесарнишин $1,5 млн ва барои таълими низомиёни тоҷик $62 ҳазор медиҳад
Боздошти капитани милитсия бо 20 ҳазор сомонӣ пора
Дар Тоҷикистон мехоҳанд боз як қонун қабул кунанд. Он ба рушди соҳибкории иҷтимоӣ то куҷо мусоидат мекунад?
ВАО: Сафорати Тоҷикистон дар Русия доир ба тафтиши ҳамла ба “Крокус” изҳори назар намекунад
Муҳаққиқи тоҷик пешниҳод кард, ки 15 апрел Рӯзи Айнӣ эълон шавад
Ҳабси шаҳрванди Тоҷикистон дар Твер ба гумони қайди қалбакии иштирокчиёни парвандаи “Крокус”
Футболбозони ҷавони тоҷик Ҷоми Осиёро бо бохт оғоз карданд
Ҳамаи коргарони “Крокус”-ро ба даст доштан дар амали террористӣ месанҷанд
Кулли ахбор
Авторизуйтесь, пожалуйста