Ду сокини деҳаи Миденшори ҷамоати Поршневи ноҳияи Шуғнони ВМКБ – модари 83-сола ва духтари 55-солаи ӯ субҳи имрӯз, 7 март бар асари ҳамлаи галаи гургон ҳалок шуданд.
Мутахассисон мегӯянд, галаи гургон шояд баҳри дарёфти ғизо ба деҳа фаромада бошад, лекин ба одамон дучор шуда, ба онҳо дарафтодааст.
Тавре ба “Азия-Плюс” сокинони деҳаи мазкур дар ин робита хабар доданд, субҳгоҳон занон нияти адои намоз карда ба ҳавлии берун мебароянд ва ин ҳангом ба онҳо гургон ҳамла мекунанд.
Дар Кумитаи ҳолатҳои фавқулода ва мудофиаи граждании Тоҷикистон низ маълумоти ҳамлаи гургон ба одамонро тасдиқ мекунанд.
Бино ба гуфтаи номзади илмҳои биологӣ, раиси Ассотсиатсияи шикорчиёни Тоҷикистон Алихон Латифӣ, галаи гургонеро, ки ба занон ҳамла кардааст, мебояд пайгирӣ намуду парронид, то ки ҳамлаи ҳайвонҳо такрор нашавад ва барои ин даъвати мутахассисон – шикорчиён лозим аст.
Латифӣ қайд кард, ки баъди парронидани гургон ҷиҳати муайян кардани гирифтории онҳо ба бемории ҳорӣ (девонагӣ) ташхисҳо гузаронидан зарур аст.
“Соли гузашта мо гургонро дар қисмати марказии Тоҷикистон парронида, ташхис гузаронидем ва маълум шуд, ки онҳо ба бемории девонагӣ гирифтор шудаанд. Вазъ дар Шуғнон барои мо номаълум аст, шояд ин ҷо ҳам гирифторӣ ба ин беморӣ бошад”, - иброз дошт номбурда.
Ба қавли Латифӣ, ин вазъро таҳлилу баррасӣ намуда, чорабиниҳои биотехникӣ баргузор намудан лозим аст, аз ҷумла муайян кардани шумори гургон, чӣ миқдор парронидани онҳо барои маҳдуд кардани шумори онҳо дар атрофи деҳаҳо ва ғайра.
“Барои танзими шумори гургон мо онҳоро мепарронем, лекин ин амал доимӣ нест. Шикори гургон кори осон нест, барои ин гурӯҳҳои махсус лозим мебошад. Пайгирии гургон низ мушкил аст, чунки гургон хеле зираку пинҳонкоранд”, - шарҳ медиҳад ӯ.
Сабабҳои ҳамларо мутахассис ба гуруснагии имконпазири гургон дар зимистони сербарф рабт дода, аз эҳтимол дур намедонад, ки ҳайвоноти ваҳшӣ баҳри дарёфти чорвои хонагӣ ба деҳа фаромада, лекин бо одамон вохӯрдаанд.
“Дар асл сабабҳои ҳамла гуногун буда метавонанд, вазъро омӯхтан лозим аст. Шумори ҳайвоноти сумдор дар Помир кофӣ аст, бинобар ин шумори гургон низ афзудааст”, - илова намуд Латифӣ.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста