Дар Лаҳистон 5 шаҳрванди Тоҷикистонро бо гумони робита бо гурӯҳи террористии “Давлати исломӣ” (Тоҷикистон ин гурӯҳро террористӣ эътироф кардааст), мағзшӯйии лаҳистониҳову укроиниҳо ва қасди анҷом додани амалиёти террористӣ дар қаламрави Лаҳистон, ихроҷ кардаанд. Дар ин бора Хадамоти хабарҳои Осиёи Марказӣ дар такя бо Radio Poland хабар медиҳад.
То кунун шахсияти ин шаҳрвандони Тоҷикистон, ки ихроҷ карда шудаанд, барои расонаҳо ошкор карда нашудааст. ВКД Тоҷикистон мегӯяд, то кунун ба онҳо дар ин замина иттилое нарасидаст ва шахсияти ин шаҳрвандон барои ҷониби Тоҷикистон ҳанӯз маълум нест. Вале дар моҳи майи имсол 4 шаҳрванди Тоҷикистон дар ин кишвар боздошт шуда буданд. Он замон дар хабарҳо гуфта мешуд, ки нафари панҷуми ин гурӯҳ дар натиҷаи ҳамкории хадамоти байналмилалии зиддитеррористӣ дастгир карда шуд, ки моҳи декабри 2019 аз Лаҳистон фирор карда буд.
Ба навиштаи Ожонси амнияти дохилии Лаҳистон, ӯ қасд доштааст, ки ба Сурия биравад ва дар ҷиҳод ширкат кунад, то бо аъзои гурӯҳи террористии “Ал-Қоида” тамос барқарор кунанд.
Гуфта мешавад, ки баъди ихроҷ вуруди ин шаҳрвандони Тоҷикистон ба Лаҳистон ва кишварҳои дигари қаламрави Шенген мамнӯъ мебошад.
Ин бори аввал нест, ки дар Аврупо шаҳрвандони Тоҷикистон ба гумони робита доштан ба гурӯҳҳои террористӣ гунаҳкор дониста мешаванд.
4 август Албания шаҳрванди 24-солаи Тоҷикистон Комрон Зуҳуровро ба Олмон интиқол дод, ки барои узвият дар ДИИШ ва омодагӣ барои амалиёти террористӣ гунаҳкор мешуд. Додситонии ин кишвар гуфта буд, ки Зуҳуров мехост ба қароргоҳи неруҳои амрикоӣ дар Олмон ҳамла кунад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста