Теъдоди ҷонбохтагони заминларзаи маргбори рӯзи душанбе, 6-уми феврал, дар Туркия ва Сурия, ба беш аз се ҳазор нафар расид.
Тибқи маълумоти охирин, дар натиҷаи заминларзаҳо танҳо дар Туркия беш аз 2921 нафар ба ҳалокат расида, зиёда аз 15834 нафар маҷрӯҳ шудаанд.
Ҳамчунин гуфта мешавад ҳудуди 5606 бино тахриб шудааст.
Дар Сурия бошад теъдоди қурбониён беш аз 960 нафар гуфта мешавад.
Расонаҳои туркӣ дар бораи наҷоти беш аз 7,8 ҳазор нафар аз зери харобаҳо хабар медиҳанд. Ба иттилои Routers, сардии ҳаво талошҳо барои ёфтани бозмондагон дар зери харобаҳоро бо мушкил рӯбарӯ кардааст.
Раҷаб Тайиб Эрдуғон, раисҷумҳури Туркия, дар пай ин ҳодисаи маргбор як ҳафтаро мотами умумимиллӣ эълон кардааст.
Ин заминларза бо шиддати 7.8 балл манотиқи ҷанубу шарқи Туркия ва шимоли Сурияро такон дод. Баъд аз зӯҳри ҳамон рӯз заминларзаи дигаре бо шиддати 7.5 бал рух дод, ки омори қурбониёнро беш аз ҳадд боло бурд.
Дар ҳамин ҳол Эрдуғон гуфтааст, ки аз 45 кишвар ҷаҳон барои кумак ба осебдидагон пешниҳод гирифтааст. Кишварҳои зиёд, аз ҷумла Русия, Қазоқистон ва Ӯзбекистон наҷотдиҳандагони худро ба Туркия фиристодаанд.
Бояд гуфт, ки ин омор ниҳоӣ нест ва теъдоди он рӯ ба афзоиш аст.
Ёдовар мешавем, ки заминларзаи дирӯз (7,7 балл) пурқувваттарин заминларза дар таърихи Туркия аз соли 1939 буд.
Он замон қариб 33 ҳазор нафар фавтида, ҳудуди 100 ҳазор нафар маҷрӯҳ шуда буданд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста