Кормандони Шуъбаи ВКД-1 ноҳияи Шоҳмансури шаҳри Душанбе се нафарро ба гумони даст доштан дар муомилоти ғайриқонунии прекурсорҳо боздошт намуданд.
Тавре дафтари матбуоти ВКД Тоҷикистон дар ин робита хабар медиҳад, сокинони ноҳияи Бобоҷон Ғафуров - Муҳаммадхон Муҳаммедов ва Комилҷон Халилов, ҳамчунин ронандаи кироякаш Илҳомиддин Хайриддинов дар ҷараёни баргузории чорабиниҳои фаврӣ-ҷустуҷӯӣ ҳангоми кӯшиши фурӯши миқдори зиёди прекурсорҳо дар Душанбе боздошт шуданд.
“Аз номбурдагон 10-адад зарфҳои полиэтиленӣ, ки дар дохилашон маҳлули махсус ҷойгир буданд, дарёфт ва мусодира карда шуда, барои санҷиш ба ниҳоди дахлдор супорида шуданд”, - омадааст дар хабар.
Гуфта мешавад, дар натиҷа мутобиқи маълумотномаи экспертизаи Агентии назорати маводи нашъаовари назди Президенти Тоҷикистон муайян гардид, ки маводҳои мусодирашуда ангидриди кислотаи атсетат буда, вазни холисаш 120 килограммро ташкил медиҳад.
Зимнан зикр мегардад, ки ангидриди кислотаи атсетат ба «Рӯйхати миллии воситаҳои нашъадор, моддаҳои психотропӣ ва перекурсорҳо» дохил карда шуда, он барои омода намудани воситаҳои нашъадор истифода мешавад, ки муомилоти ғайриқонунии он ҷавобгарии ҷиноятӣ дар пай дорад.
“Зимни пешбурди корҳои тафтишотӣ ҳамчунин муайян карда шуд, ки гумонбарон ин миқдор моддаҳои ба саломатӣ хавфнокро ба таври қочоқ аз шаҳрванди давлати хориҷӣ ғайриқонунӣ ба Тоҷикистон ворид намуда, бо фурӯши он мақсади ба даст овардани маблағи калони пулиро доштанд”, - қайд мешавад дар маълумот.
Ба иттилои манбаъ, айни замон гумонбарон Муҳаммадхон Мухаммедов ва Комилҷон Халилов дар ҳабси пешакӣ қарор дошта, нисбаташон бо моддаи 202 иловаи 1 Кодекси ҷиноятии Тоҷикистон парвандаи ҷиноятӣ оғоз ва тафтишот дар ин самт идома дорад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Ҳасрати зан ё шуҳрат? Ҳарзасароӣ дар шоу-бизнеси тоҷик
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Кулли ахбор
Авторизуйтесь, пожалуйста