Юсуф Раҳмон, прокурори генералии Тоҷикистон дар робита ба боздошти оммавии муҳоҷирони Тоҷикистон, латукӯб ва муносибати бераҳмона нисбати онҳо, инчунин боздошти теъдоди зиёди донишҷӯёни тоҷик аз ҷониби пулис ба прокуратураи генералии Русия барқияи фаврӣ ирсол намудааст.
Дар ин бора дафтари матбуоти Прокуратураи генералии Тоҷикистон хабар медиҳад.
“...ҳаракатҳои кормандони алоҳидаи мақомоти ҳифзи ҳуқуқи Русия нисбати шаҳрвандони Тоҷикистон мавриди санҷиш қарор дода шуда, ба он баҳои ҳуқуқӣ дода шавад”, - тақозо шудааст дар барқияи прокурори генералии Тоҷикистон.
Бояд гуфт, ки давоми се ҳафтаи охир боздошту латукӯби донишҷӯёну муҳоҷирони кории тоҷик дар Русия ба якборагӣ афзоиш ёфт. Кормандони мақомоти интизомиву амниятии Русия донишҷӯёну муҳоҷирони тоҷикро дар хобгоҳи донишгоҳ, масҷид, кӯчаву варзишгоҳҳо бе сабаб боздошту латукӯб мекунанд.
Дар пайи латукӯби донишҷӯён ва боздоштҳои оммавии муҳоҷирони тоҷик дар Русия, ҳафтаи гузашта Вазорати корҳои хориҷии Тоҷикистон Семён Григорев, Сафири Русия дар Тоҷикистонро ба бинои вазорат даъват ва нигаронии худро аз бархӯрди номуносиб бо донишҷӯёну муҳоҷирони тоҷик иброз намуда буд.
Инчунин, вазири корҳои дохилӣ ва Ваколатдор оид ба ҳуқуқи инсон дар Тоҷикистон бо ирсоли мактуб ба ҳамтоёни руси худ таҳқиқи одилонаву холисонаи латукӯбу боздошти оммавии донишҷӯёну муҳоҷирони тоҷикро талаб карданд.
Аммо мақомоти Русия то ҳол ба ҳеҷ як талабу дархости мақому ниҳодҳои Тоҷикистон расман вокуниш нишон накардааст ва асли воқеаро шарҳ надодааст.
Андешаи коршиносонро оид ба сабабҳои эҳтимолии чунин бархӯрди мақомоти Русия метавонед дар матлаби “Фишанги №1”. Русия бо “шикор”-и муҳоҷирони тоҷик аз Тоҷикистон чӣ мехоҳад?” мутолиа намоед.
Ҳасрати зан ё шуҳрат? Ҳарзасароӣ дар шоу-бизнеси тоҷик
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Кулли ахбор
Авторизуйтесь, пожалуйста