Додгоҳи ноҳияи Лефортовои Маскав шаҳрванди Тоҷикистонро ба гумони даст доштан дар ҷосусӣ (модд. 276 КҶ ФР) ба ҳабс гирифт, хабар дода мешавад дар Telegram-канали додгоҳҳои салоҳияти умии пойтахт.
"Рӯзи 10 октябри соли 2023 Додгоҳи ноҳияи Лефортовои шаҳри Маскав дар ҷаласаи пӯшидаи додгоҳ дархости тафтишот дар бораи интихоби чораи пешгирӣ дар намуди ҳабс нисбати шаҳрванди Тоҷикистонро баррасӣ кард", - омадааст дар хабар.
Тавре ки ТАСС хабар медиҳад, додгоҳ дархости муфаттиши Хадамоти федералии амният (ФСБ)-ро қонеъ кардааст.
«Суд дархости муфаттиши Хадамоти федералии амниятро қонеъ карда, нисбат ба шаҳрванди хориҷӣ Тиллозода Ш., ки бо моддаи 276 КҶ ФР (ҷосусӣ) гумонбар дониста мешавад, чораи пешгирӣ дар намуди ҳабсро ба муҳлати то 10 декабр интихоб намуд», - иттилоъ додаанд ба хабаргузорӣ.
Моҳияти айбҳо нисбат ба гумонбарро ба ТАСС мушаххас накардаанд. Дар мақомоти ҳифзи ҳуқуқ ба ТАСС танҳо хабар додаанд, ки номи боздоштшуда Шарифҷон аст.
Дар додгоҳи шаҳри Одинтсовои вилояти Маскав қаблан ба ТАСС зикр карда буданд, ки як нафар бо чунин ному насаб 20 сентябр ҳангоми боздид аз минтақаи пӯшида дар вилояти Маскав аз ҷониби маъмурони пулис боздошт шудааст.
«Суд амалҳои Тиллозода Ш.-ро тибқи қисми 3 моддаи 28.8 Кодекси ҳуқуқвайронкунии маъмурии Русия (вайрон кардани низоми будубоши шаҳрванди хориҷӣ дар Русия, ки бо вайрон кардани тартиби интихоби ҷои будубош ифода шудааст) арзёбӣ карда буд», - гуфтаанд ба ТАСС дар додгоҳ.
Ӯро бо ихроҷи маҷбурӣ аз Русия 5 ҳазор рубл ҷарима бастаанд. Тавре ки аз маводи мурофиаи додгоҳии аз ҷониби ТАСС баррасишуда бармеояд, Тиллозода гуноҳи боздид карданаш аз қаламрави пӯшидаро эътироф намуда, аммо мушаххасан нагуфтааст, ки бо чӣ ҳадаф ин корро кардааст. Пас аз ин ӯро дар боздоштгоҳи муваққатии шаҳрвандони хориҷӣ дар шаҳри Егоревск ҷойгир карданд.
Дар маводи ТАСС хабар дода намешавад, ки дар бораи кадом қаламрави пӯшида сухан меравад.
Дар ҳамин ҳол, ба навиштаи Mash, шаҳрванди Тоҷикистонро барои мунтазам ирсол намудани маълумот дар бораи ҷойгиршавии системаҳои дифои зиддиҳавоӣ дар наздикии пойтахт ба Хадамоти амнияти Украина (СБУ) боздошт кардаанд.
Ба гузориши Mash, Шарифҷон Тиллозода дар ҳудуди як қисми низомии пӯшида боздошт шудааст. Дар аввал ӯро ба сифати коргари одӣ қабул намуда, лекин маълум шудааст, ки ӯ аксабардорӣ намуда, ба роҳбарони хориҷиаш мефиристодааст. Тафтиш исбот кардааст, ки вай бевосита бо Хадамоти амнияти Украина робита доштааст.
Дар сурати собит шудани иттиҳом, ба ӯ то 20 соли зиндон таҳдид мекунад.
Чӣ хел рӯза дорем ва чӣ онро мешиканад? Посух ба 10 суоли муҳим дар робита ба моҳи Рамазон
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 10 марти соли 2025
Тоҷикон кадом намуди мошинҳоро меписанданд?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 9 марти соли 2025
Воридоти гӯшт аз Беларус ва Қазоқистон метавонад нархи онро поин кунад?
Модар фаришта аст... Рӯзи модар муборак, бонувони азиз!
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 8 марти соли 2025
Ҳаяҷону шодӣ, тақдими туҳфаҳо ва хандаҳои самимӣ. Иқдоми “Модарони мо” чӣ гуна гузашт?
Омори занон дар “Роғун”, ҳиссаи занон дар дар фазои сиёсӣ ва тақдими “Шоҳнома”. Эмомалӣ Раҳмон дар ҳузури бонувон боз чӣ гуфт?
“Анора”. Чаро намоиши филме, ки “Оскар” гирифт, дар Ӯзбекистон манъ шуд?
Кулли ахбор
Авторизуйтесь, пожалуйста