Ду сокини ноҳияи Дӯстӣ, ки ба хотири ғасби курсӣ соли 1993 директори мактаби №11, оила ва фарзандони ноболиғи ӯро ба қатл расонидаанд, ба 15 соли зиндон маҳкум шуданд.
Тавре ёрдамчии калони додситони вилояти Хатлон Варқаи Зайниддин ба “Азия-Плюс” иттилоъ дод, муттаҳамон Ортиқ Файзуллоев ва Абдураҳмон Тағаев ном доштаанд ва супориши мазкурро аз Зайниддин Баходиев гирифтаанд.
Ҳодиса бегоҳии рӯзи 20-уми марти соли 1993 рух додааст.
“Зайниддин Баходиев ба зердастони худ, бахусус ба Тағаев Абдураҳмон, ки шахси боваринокаш буд, ҳамчун роҳбар супориш медиҳад, ки ҳамроҳи зердасти дигараш Ортиқ Файзуллоев директори мактаби миёнаи №11-и ноҳия Одинаев Мирзо Нуриддиновичро бо истифода аз яроқи оташфишон ба қатл расонанд”, - гуфт ҳамсуҳбати мо.
Ӯ афзуд, “ҳамон шаб Ортиқ Файзуллоев ва Абдураҳмон Тағаев баъди гирифтани дастур аз роҳбари гурӯҳашон Зайниддин Баходиев қасдан дар заминаи хусумати маҳалгароӣ бо истифодаи яроқҳои оташфишони тамғаи “Калашников” ин оиларо ба назди заҳбури деҳаҳои Комсомол ва Тоҷикобод бурда, ба қатл мерасонанд”.
Дар ин ҷиноят ин нафарон кушта шудаанд:
- Одинаев Мирзо Нуриддинович (соли таваллудаш 1957)
- Ҳамсараш (соли таваллудаш 1960)
- 3 фарзанди ноболиғи онҳо (солҳои таваллудашон 1986, 1988 ва 1990).
Додситонии ноҳияи Дӯстӣ аз рӯйи ҳодиса бо модаи 104-и Кодекси ҷиноятӣ парвандаи ҷиноятӣ оғоз карда, шахсияти ҷинояткоронро муайян кард ва онҳоро дар ҷустуҷӯ эълон кард.
Моҳи январи соли 2024 Зайниддин Баходиев ва Абдураҳмон Тағаев дастгир шуданд. Аммо маълум нест, ки чӣ гуна ва дар кадом шароит онҳо боздошт гардидаанд.
Додгоҳ 10-уми июни соли 2024 Зайниддин Баходиев ва Абдураҳмон Тағаевро бо моддаи 104, бандҳои “в”, “з”, “м”-и Кодекси ҷиноятӣ (таҳрири соли 1961) гунаҳкор донистааст ва ҳардуро 15 солӣ ба зиндон маҳкум кардааст.
Ҳоло Ортиқ Файзуллоев, ки яке аз иҷрокунандагони ин ҷиноят ба ҳисоб меравад, дар кофтуков қарор дорад.
Бояд гуфт, ки ин аввалин ҳолати боздошти гумонбарон ва ба солҳои гуногуни зиндон маҳкум кардани онҳо барои ҷиноятҳои солҳои ҷанги шаҳрвандӣ содиркарда намебошад. Тобистони гузашта низ як гумонбар куштори 22 нафар дар деҳаи Сарбанди ноҳияи Хуросон аз Русия ба Тоҷикистон истирдод гардида буд. Ин куштор ҳам солҳои ҷанги шаҳрвандӣ рух додааст.
Дар моҳҳои январ-апрели соли ҷорӣ дар Тоҷикистон зиёда аз 1400 тонна моҳӣ истеҳсол шудааст
“Корманди беҳтарини оперативӣ”. Ба ҷои Шоҳрух Саидзода кӣ сардори Раёсати кофтукови ҷиноии ВКД таъин шуд?
Занонро чаро мезананд? Андешаи сокинон дар бораи хушунати хонаводагӣ
5 усулгаро ва 1 ислоҳотхоҳ. Дар интихоботи Эрон имкони ғалабаи кӣ бештар аст?
Рӯзи Ваҳдати миллӣ муборак, ҳамватанони азиз!
Полковник ва сардори пешини милитсияи Конибодом. Сардори нави раёсати ВКД дар Суғд кист?
Дар Тоҷикистон заминҳои кишти пахта зиёду майдони кишти зироатҳои ғалладона кам шуд
ВНМО ва муҳоҷирони меҳнатӣ: хатарҳо, мушкилиҳо ва роҳҳои ҳал
Мусаллама Мухторова: “Соҳибунвонҳо” унвони маро надоранд!
Сатру ҳиҷоб ва ҷинси даридаву либоси нимурён. Пӯшидани кадом либосҳо дар Тоҷикистон манъ шуд?
Кулли ахбор
Авторизуйтесь, пожалуйста