Пулиси пойтахт, дар асоси шикояти шаҳрвандон 10-нафар ҷавонро, ки бо истифодаи силоҳи сард сокинони пойтахтро тарсониданд ва мунтазам ба авбошӣ машғул буданд, боздошт кардааст. Дар ин бора Раёсати ВКД дар Душанбе хабар дод.
Ба навишти манбаъ, зимни санҷиш муайян шудааст, ки Абдуҳалим Муҳаммадиев, Меҳроҷ Раҳимов, Ҷамолиддин Оев, Муҳаммад Нуров, Иброҳим Муҳаммадиев, Муҳаммад Саидмуродзода, Саидмаҳмуд Оев, Ҷамшед Абдулхайров, Фатҳиддин Туманов ва Шариф Юлдошев дар ҳудуди ноҳияи Синои пойтахт шабгардӣ намуда, тартиботи ҷамъиятиро вайрон кардаанд.
“...бо истифода аз яроқи сард ба тарс додани шаҳрвандон ва мунтазам ба содир намудани кирдорҳои зидди ҷамъиятию авбошӣ машғул будаанд”, ‑ омадааст дар хабар.
Гуфта шудааст, ки се нафари онҳо доғи судӣ дошта, қаблан бо моддаҳои Кодекси ҷиноятӣ ҷазо гирифтаанд. Аз ҷумла, Абдуҳалим Муҳаммадиев бо моддаи 249-роҳзанӣ, Муҳаммад Нуров бо моддаи 244-дуздӣ ва Иброҳим Муҳаммадиев бо моддаи 248-ғоратгарӣ маҳкум шудаанд.
Зикр шудааст, ки ҳамаи гумонбарон ба ҳабси пешакӣ гирифта шуда, нисбати онҳо корҳои тафтишотӣ идома дорад. Муайян нест, ки нисбати онҳо бо кадом моддаи қонунгузорӣ ҷазо таъин карда мешавад.
Мақомот дар зимн аз сокинон даъват кардааст, ки агар аз тарафи ин ҷавонон ба онҳо зараре расида бошад, бо рақамҳои +992 900 71 67 67, ба пулиси пойтахт муроҷиат кунанд.
Бояд зикр намуд, ки хабари мусодираи силоҳи сард дар байни сокинон аз тарафи мақомот зуд-зуд нашр мешавад. Ба иттилои Раёсати ВКД давоми шаш моҳи соли ҷорӣ дар доираи амалиёти "Корд" дар пойтахт аз ноболиғон ва ҷавонон 62 адад силоҳи сард мусодира шудааст.
Сироҷиддин Муҳриддин дар Маскав аз нақзи ҳуқуқи муҳоҷирону донишҷӯёни тоҷик нигаронӣ кард
Вазорати маориф ва илм ҷузъиёти латукӯби омӯзгорро дар мактаби №8-и Ваҳдат гуфт
Данғараи Боло–Раҳмониён, Қирғизобод-Ҳазордеҳ, Қайрағоч-Қадамҷо. Номи беш аз 500 деҳа дар Тоҷикистон иваз шуд
Ӯзбекистон ба ҳамсояҳояш пешниҳод кард, шиносномаҳои дохилии ҳамдигарро эътироф кунанд. Ин чӣ маъно дорад?
Рақобати Муин Ғафуров дар UFC бо варзишгари Ҷопон, ки ҳоло таъми бохтро начашидааст
Ҷабҳаи муқовимат гуфт, дар ҳамла ба қароргоҳи Толибон дар Панҷшер 13 толиб кушта шуд
Латукӯби омӯзгор аз сӯи волидайни як хонанда дар Ваҳдат
Русия ба Тоҷикистон зиёда аз 370 ҳазор китоби дарсии забони русӣ дод
“Аудиокитоб” бо Субҳон Ҷалилов. Маснавии маънавӣ. Ҳикояи "Аждаҳои хуфта"
Нигаронии Қоҳир Расулзода аз нақзи ҳуқуқи муҳоҷирони кории тоҷик дар Русия
Кулли ахбор
Авторизуйтесь, пожалуйста