Дар зарфи 6 моҳи соли 2024 додситонӣ (прокуратура)-и гарнизони Кӯлоб мутобиқи моддаи 391, қ. 1 Кодекси ҷиноии ҶТ (Суиистеъмоли ҳокимият ё мақоми хизматӣ, аз ҳадди ваколатҳои мансабӣ ва хизматӣ баромадан ё бефаъолиятии ҳокимият) нисбати кормандони комиссариатҳои ҳарбии ноҳияҳои ин минтақа 3 парвандаи ҷиноятӣ боз намуд. Дар ин бора зимни нишасти матбуотӣ додситон (прокурор)-и гарнизони ҳарбии шаҳри Кӯлоб Фирӯз Раҷабзода хабар дод.
Аз ҷумла, парвандаҳо нисбати прапоршики комисарриати ҳарбии ноҳияи Данғара Фирӯз Яқубов, сардори шуъбаи сеюми комиссариати ҳарбии ноҳияи Темурмалик капитан Аҳлиддин Асомаддинов ва сардори шуъбаи чоруми комисариати ҳарбии ноҳияи Восеъ майор С.Давлатов боз шудаанд.
Дар ин модда ҷарима дар ҳаҷми аз 250 то 912 нишондиҳанда барои ҳисобҳо ё ҷазои маҳрумият аз озодӣ ба муҳлати то 5 сол пешбинӣ шудааст.
Дар робита ба қазияи Зоҳир Муминзода, собиқ раиси додгоҳ (суд)-и ноҳияи Шамсиддини Шоҳин додситони гарнизон изҳор дошт, ки ҳамаи ҳуҷҷатҳо ва маводи зарурӣ ба Додситонии кулл (Прокуратураи генералӣ) фиристода шуданд.
“Ин парвандаро мо наметавонем баррасӣ кунем, он ба салоҳияти Додситонии кулли ҷумҳурӣ дохил мешавад”, - илова кард ӯ.
Муовини додситони вилояти Хатлон, додситони минтақаи Кӯлоб Ҳамзаалӣ Музофирзода ба рӯзноманигорон иттилоъ дод, ки дар зарфи ним сол нисбати шахсони мансабдор 7 парвандаи ҷиноятӣ оғоз гардидааст.
“Миёни онҳо парвандаҳо нисбати Дӯстӣ Хӯҷамадзода, раиси ҷамоати Гулшан ва Сафар Алиев, раиси ҷамоати Деҳқонободи ноҳияи Фархор ҳастанд, ки бо моддаи 247 КҶ ҶТ (Қаллобӣ) айбдор карда мешаванд. Баррасии ин парвандаҳо ба анҷом расида, рӯзҳои наздик ба баррасии додгоҳ дода мешаванд”, - гуфт ӯ.
Ҳамчунин, ба қавли ӯ, нисбат ба меъмори ҳукумати ноҳияи Ҳамадонӣ ва боз 4 мансабдори дигари шаҳру навоҳии минтақа парвандаҳои ҷиноятӣ боз шудааст. Аммо дар бораи бо кадом моддаҳо айбдор шудани онҳо Музофирзода маълумот надод.
Зикр шуд, ки дар нимсолаи аввал дар додситонҳои минтақа ва шаҳру навоҳии Кӯлоб ба сурати умум 18 парвандаи ҷиноятӣ оғз гардидааст, ки 4-тоашон ба ҷиноятҳои иқтисодӣ ва коррупсионӣ марбутанд.
“Заволи пиряхҳо” – филми мустанад оид ба хатари обшавии пиряхҳои Тоҷикистон
Бидуни журнали анъанавӣ. Дар кадом мактабҳои Душанбе истифодаи журнали электронӣ ҷорӣ шудааст?
Artel. Бузургтарин фабрикаи истеҳсоли техникаи маишӣ чӣ тавр фаъолият мекунад?
Дар Донишгоҳи миллии Тоҷикистон Стипендия ба номи Соҳиб Табаров таъсис дода шуд
Китоби “Тоҷикон”-ро нагирифтед? Аз ҳукуматҳои маҳаллӣ пурсед!
Корхонаи коркарди нафти Данғара шарик ва ашёи хом барои коркард меёбад?
“Аудиокитоб” бо Субҳон Ҷалилов. Маснавии маънавӣ. Ҳикояи “Тарсутар аз тарсу”
Далер Назаров ҷоизаи давлатӣ гирифт
Эмомалӣ Раҳмон бо сафари корӣ ба Суғд меравад. Кадом роҳҳои вилоят баста мешавад?
Дар Қирғизистон “Толибон”-ро махфиёна аз рӯйхати созмонҳои террористӣ хориҷ карданд
Кулли ахбор
Авторизуйтесь, пожалуйста