Як корманди Додгоҳи вилояти Суғд бо иттиҳоми қаллобӣ ва гирифтани 20 ҳазор сомонӣ айдор шуда, бар зиддаш парвандаи ҷиноятӣ ифтитоҳ гардидааст. Дар ин бора Агентии зиддифасоди Тоҷикистон иттилоъ медиҳад.
Ба гуфтаи манбаъ, Абдухолиқзода А.А. аз 7-уми ноябри соли 2017 то майи соли 2024 дар вазифаи мутахассис - мушовири Суди вилояти Суғд фаъолият намуда, дар давраи фаъолияти кориаш ба ҷинояти қаллобӣ даст задааст.
“Моҳи апрели соли 2024 Абдухолиқзода А.А. қасдан ва бо мақсади ба даст овардани фоидаи муфт бо роҳи фиреб ба боварии шаҳрванд Б.А.Қ. даромада, дидаву дониста аз он, ки ваколати бекор кардани қарорҳои раиси шаҳри Истаравшан ва ба ҳолати аввала бар гардонидани қитъаҳои замини хоҷагии деҳқонии шаҳрванд Б.А.Қ.-ро надорад, аз номбурда худи ҳамон вақт дар ҳудуди шаҳри Хуҷанд маблағи 20 000 сомонӣ талаб карда гирифт”, - менависад Агентии зиддифасод.
Гуфта мешавад, ки Абдухолиқзода баъди гирифтани 20 ҳазор сомонӣ ба манфиати шаҳрванд Б.А.Қ. ягон амалро иҷро накарда, маблағи зикршударо тасарруф намуд, ки бо ин кирдори қасдонаи худ ба шаҳрванд зарари ҷиддии моддӣ расонид.
Ҳоло алайҳи Абдухолиқзода А.А. бо моддаи 247, қисми 2, бандҳои “в”, “г”-и Кодекси ҷиноятии Ҷумҳурии Тоҷикистон парвандаи ҷиноӣ ифтитоҳ гардида, баъди тасдиқи фикри айбдоркунӣ ба додгоҳ ирсол карда шудааст.
Ин банди қонун аз 365 то 912 нишондиҳанда барои ҳисобҳо (аз 26 ҳазору 280 то 65 ҳазору 664 сомонӣ) ҷарима ё аз 2 то 5 сол зиндонро пешбинӣ кардааст.
Бояд гуфт, дар нимсолаи аввали соли 2024, ба гуфтаи раиси Додгоҳи олии Тоҷикистон Шермуҳаммад Шоҳиён, се додрас ба ҷавобарии ҷиноӣ ва 7 додрас ба ҷавобгарии интизомӣ кашида шуданд.
Давоми нӯҳ сол бошад, Эмомалӣ Раҳмон, раисҷумҳури Тоҷикистон 26 додрасро “бинобар содир намудани кирдоре, ки шаъну эътибори судяро паст мезанад” аз вазифа озод кардааст.
Ҳарчанд дар фармонҳо дар бораи кирдор мушаххас чизе гуфта нашудааст, вале мувофиқи иттилои расонаҳо, аксари додрасҳо бо гумони ришваситонӣ боздошту зиндонӣ шуданд.
Тақдири замини “Зелёний бозор” чӣ шуд? Чаро то имрӯз дар ҷойи он иншооте насохтаанд?
Ба ВМКБ ангишт бо нархи дастрас ва кумак барои ниёзмандон фиристода шуд
Пагоҳ раиси парлумони Эрон ба Тоҷикистон меояд. Ҳадафи сафари Муҳаммадбоқир Қолибоф чист?
Бар асари “Covid-19” гирифторони диабети қанд зиёд шудааст. Боз кадом бемориҳо баъди он афзоиш ёфт?
Намояндаи Тоҷикистон метавонад беҳтарин футзалисти Осиё шавад?
Соли 2025 раёсат дар ИДМ-ро Тоҷикистон ба дӯш мегирад
Даромаду хароҷоти сокинони Тоҷикистон дар зарфи 8 соли ахир чӣ гуна тағйир ёфт?
Гулҳои “тиллоӣ”. Чӣ гуна дар Душанбе барои харидории гулҳо миллионҳо сомонӣ сарф мекунанд?
Озмуни “Тоҷикистон-ватани азизи ман” ҷамъбаст гардид. Киҳо ғолиб шуданд?
“Китобхонаи электронӣ”, “Мактаб мобайл”, “Сандуқчаи зулбиё”. Хазинаи электронии вазорати маориф чӣ дорад?
Кулли ахбор
Авторизуйтесь, пожалуйста