Вазорати корҳои дохилаи Тоҷикистон дар ҳамкорӣ бо мақомоти дахлдори рус гурӯҳи мутташаккили ҷиноятиро ошкор кардааст, ки ба қавли онҳо, дар ҳудуди Русия ба гаравгонгирию таҳдид ва тороҷи муҳоҷирони кории тоҷик машғул будаанд.
Дар ин бора дар барномаи “Ахбори ВКД” иттилоъ дода шуд.
Дар гузориши ВКД зикр мешавад, ки Муҳаммадҷон Маннонов ва Бобоқул Қориев аз ноҳияи Абдураҳмони Ҷомӣ, Сафаралӣ Қулматов аз ноҳияи Ёвон ва Комрон Забирзода аз шаҳри Ҳисор ба бо таҳдиду зӯрӣ аз 100 ҳазор то 2 миллион рубли русии муҳоҷирони кории тоҷикро ғорат кардаанд.
Ба иттилои ин ниҳод, як нафари дигари узви ин гурӯҳ Алиҷон Худойқулов дар ҷустуҷӯ қарор дорад.
Дар барномаи телевизионии ВКД ҳамчунин чанде аз ҷабрдидагон шаҳодат доданд, ки ин афрод онҳоро ба ҷангал бурда, теғро дар гулӯяшон гузоштаву пул гирифтаанд.
Аъзои гурӯҳ ҳам зимни бозпурсӣ, ки маълум нест, таҳти кадом шароит сабт шудааст, иқрор мекунанд, ки бо корду туфанг мусаллаҳ буданд ва муҳоҷирони тоҷикро аз ҷойи корашон пайдо карда, бо таҳдиду зӯрӣ “ҳақ” меситонданд.
Ба қавли мақомоти интизомӣ, ин афрод бо номи “Қорӣ”, “Алии риш”, “Ҷамшеди дароз” ва “Бензин” маъруф будаанд. Баъзеи онҳо қаблан дар Русия суд шуда будаанд.
Аммо дар гузориш гуфта намешавад, ки аъзои ин гурӯҳ кай дар Русия боздошт шуда ва кай ба Тоҷикистон истирдод шудаанд.
Азобу машаққати пахтакорӣ. Деҳқонон умеде надоранд, ки фоидаи зиёд мегиранд
Кадом дастаҳо ба финали Ҷоми футболи Тоҷикистон баромаданд?
Эмомалӣ Раҳмон ва Валентина Матвиенко дар чӣ бора суҳбат карданд?
“Аз номам сӯиистифода мекунанд”. Саидмурод Давлатов дар бораи қаллобон ва дуруст сарватманд шудан суҳбат кард
Эмомалӣ Раҳмон ба Туркманистон сафар кард
8 сабаби асосии ихроҷи шаҳрванди Тоҷикистон аз Русия
Гармидиҳӣ дар Душанбе. Имсол кадом иншоот бо гармӣ таъмин мешаванд?
Нишасти парлумонии Тоҷикистону Русия. Кадом масъалаҳо баррасӣ шуданд?
Диду боздиди Муҳаммадбоқир Қолибоф бо Эмомалӣ Раҳмон ва Рустами Эмомалӣ. Чӣ масъалаҳо баррасӣ шуданд?
НБО-ҳо бартариятро аз даст медиҳанд? Истеҳсоли неруи офтобӣ ва бодӣ афзоиш меёбад
Кулли ахбор
Авторизуйтесь, пожалуйста