Ҳизби наҳзати исломии Тоҷикистон алайҳи Кумитаи телевизион ва радиои назди Ҳукумати ҶТ барои «фаъолиятҳои сиёҳкунанда» бар зидди ин ҳизб ба суди ноҳияи Исмоили Сомонии шаҳри Душанбе муроҷиат кардааст, ки «ташвиқоту тарғибот нисбати ҲНИТ»-ро қатъ намуда, аз он расман узр пурсад.
Чӣ тавре ки торнамои ҲНИТ иттилоъ медиҳад, ин аризаи даъвогӣ бо имзои раиси ҳизб Муҳиддин Кабирӣ ба Суди ноҳияи Исмоили Сомонии шаҳри Душанбе ирсол шудааст ва имрӯз, 19-уми сентябр аризаро дар додгоҳ қабул кардаанд.
Дар ин ариза омадааст: «Вақтҳои охир бо наздик шудани маъракаи интихоботии Президенти ҶТ аз тарафи мақомоти телевизион ва радиои давлатии ҶТ ташвиқу тарғиботи зидди ҲНИТ ба роҳ монда шудааст, ки ин рафтор ва кирдори онҳо бар хилофи талаботҳои моддаи 26 ва 28-и Сарқонуни ҶТ мебошад».
Ҳамзамон аз вохӯрии Президент бо ходимони дин, ки дар он рӯҳониён алайҳи ҲНИТ суханронӣ кардаанд, ёдоварӣ шуда, дар ариза омадааст, ки роҳбарияти ҲНИТ фишори афзоянда болои ҳизбро ба рӯҳияи «Протоколи 32-20» созгор донистааст.
Сипас дар ин аризаи даъвогӣ мисолҳо ва далелҳое аз корзори расонаии ҳукумат, мисли баромади Асрор Булбулов аз Хоруғ, Ёрмуҳаммад Пиров аз Қубодиён ва дигар мисолҳоро зикр гардида, омадааст, ки тамоми кӯшиши ВАО-и давлатӣ танҳо барои резонидани эътибори ҲНИТ равона карда шудааст.
Дар ин ариза мактуби роҳбарияти ҳизб алайҳи Кумитаи телевизион ва радиои кишвар аз 31.07.2013 ва ҷавобҳои ин кумита низ ёдрас шудааст.
ҲНИТ дар асоси гуфтаҳои боло ва бо дастрасии моддаҳои 30-и Сарқонуни ҶТ, Қонуни ҶТ «Дар бораи телевизион ва радиошунавонӣ», Қонуни ҶТ «Дар бораи ҳизбҳои сиёсӣ» ва Қонуни ҶТ «Дар бораи матбуот ва дигар воситаҳои ахбори омма» аз суд ду хоҳиш кардааст:
Якум, аризаи даъвогии ҲНИТ нисбати ҷавобгар - кумитаи мазкур ва ҳамҷавобони дигар («Сафина», «Шабакаи аввал» ва «Ҷаҳоннамо») ба истеҳсолоти судӣ қабул карда шавад.
Дуюм, ҷавобгар ва ҳамҷавобон ӯҳдадор карда шаванд, ки ташвиқоту тарғибот нисбати ҲНИТ қатъ карда шавад ва аз ҲНИТ расман узрхоҳӣ намоянд.
Видоъ бо Иброҳим Раисӣ дар Душанбе
Мотами миллӣ дар Эрон. Иброҳим Раисӣ кӣ буд, чӣ гуфт ва чӣ кард?
Гумонбарони амали террористӣ дар “Крокус” аз қарори тамдиди муҳлати боздошт шикоят набурданд
Нархи карбамид дар Тоҷикистон ду баробар поин рафт
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Кулли ахбор
Авторизуйтесь, пожалуйста