То имрӯз чор нафар – аз Ҳизби сотсиалистӣ раиси он Абдуҳалим Ғаффоров, аз Ҳизби аграрӣ академик Толиббек Бухориев, аз Ҳизби демократ раиси он Саидҷаъфар Исмонов ва аз Иттиҳоди нерӯҳои ислоҳотхоҳи Тоҷикистон дар ҳайати ҲНИТ ва ҲСДТ Ойниҳол Бобоназарова номзад ба мансаби президентӣ дар интихоботи қарибулвуқӯъ пешбарӣ шуданд.
Сиёсатшиносон ва иқтисодчиёни ҷумҳурӣ аллакай изҳороит нахусти номзадҳо ба мансаби президентиро бо таваҷҷуҳи хосса пайгирӣ доранд.
Дар мусоҳиба ба хабарнигори ОИ «Азия-Плюс» иқтисодчӣ, номзади илм, собиқ вакили Шӯрои Олии Тоҷикистон, собиқ узви ҳукумати ҷумҳурӣ Холмаҳмад Азимов роҷеъ ба изҳороти аввали чанде аз номзадҳо дар бораи масоили иқтисодӣ ибрози андеша намуд.
Ҳамин тариқ, ба андешаи коршинос, изҳороти раиси ҲСТ, номзад ба мансаби президентӣ Абдуҳалим Ғаффоров оид ба дар сурати сари мансаб омадан, аз ҷониби ӯ бозбинӣ шудани натиҷаҳои хусусигардонии амволи давлатӣ, ки ахири асри гузашта ва аввали қарни кунунӣ сурат гирифт, метавонад ба ҷудоиандозӣ дар ҷомеа боис гардад.
«Бозбинии натиҷаҳои хусусигардонӣ ҳам аз нигоҳи иқтисодӣ ва ҳам аз лиҳози амалӣ имрӯз ғайриимкон аст ва чунин кӯшишҳо метавонанд вазъ дар ҷомеаро ноамн созанд», - чунин мешуморад Азимов.
Коршинос ба изҳороти раиси ҲДТ Саидҷаъфар Исмонов дар бораи таҳти назорати давлат қарор додани масоили воридот, фуруӯш ва нархгузорӣ ба маводи дорувориро ҷонибдорӣ мекунад, зеро ин таҷриба дар бисёр кишварҳои пешрафтаи ҷаҳон роиҷ буда, ғамхорӣ оид ба солимии миллат ва ояндаи он вазифаи стратегии ҳар як ҳукумати солимфикр бояд бошад.
«Дар ҳамин ҳол, ман ба изҳороти Исмонов дар бораи таҳти назорати давлат қарор додани масъалаи вуруд ва фурӯши маҳсулоти нафтӣ мухолифам, зеро чунин амал зидди иқтисоди бозаргонӣ аст. Дар ин самт давлат соҳибкорони машғул ба воридоти маҳсулоти нафтиро бояд дастгирӣ ва ба фароҳам овардани муҳити солими сармоягузорӣ дар ҷумҳурӣ мусоидат намояд», - таъкид дошт иқтисодчӣ.
Дар идома Азимов зикр кард, ки нақшаҳои Исмонов оид ба таҳти назорати давлат қарор додани тамоми операторони алоқаи мобилӣ сармоягузорони хориҷиро сахт ба ҳарос меандозад.
«Изҳороти номзади ҲАТ академик Толиббек Бухориев дар бораи таъсиси корхонаҳои сершумори коркарди нахи пахта ҷиҳати мусоидат ба рушди босуръати иқтисоди кишвар қобили таваҷҷуҳ аст, зеро бо бунёди чунин корхонаҳо ҳамзамон мушкилоти ҷойи кор ва таъмини рушди саноат ба қадре ҳаллу фасл мегардад», - афзуд коршинос.
Видоъ бо Иброҳим Раисӣ дар Душанбе
Мотами миллӣ дар Эрон. Иброҳим Раисӣ кӣ буд, чӣ гуфт ва чӣ кард?
Гумонбарони амали террористӣ дар “Крокус” аз қарори тамдиди муҳлати боздошт шикоят набурданд
Нархи карбамид дар Тоҷикистон ду баробар поин рафт
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Кулли ахбор
Авторизуйтесь, пожалуйста