"Шӯрои олии муқовимати миллии Ҷумҳури исломиb Афғонистон" бо ҳузури чеҳраҳои сиёсӣ чун Абдураб Расули Сайёф, Муҳаммадюнус Қонунӣ, Ато Муҳаммади Нур, Абдурашиди Дӯстум, Муҳаммад Муҳаққиқ ва чанде шахсиятҳои сиёсии дигар эъломи мавҷудият кард.
Дар эъломияи шӯро омадаст, ки “давлат дар асари бекифоятӣ, инҳисоргарӣ ва фасоди густарда ва дар натиҷаи як муомилаи номардона ва хоинона дучори беназмӣ ва низомӣ гардида, шерозаи давлат аз ҳам пошид".
Аъзои шӯро мехоҳанд мушкилоти Афғонистон аз тариқи сиёсӣ ҳаллу фасл гардад. Аммо таъкид мекунанд, “дар сурате, ки ҷониби муқобил ва ҳомиёнашон ба чунин роҳи ҳал тан надиҳанд, мо ночор ба бахши дуввуми мубориза (фаъолиятҳои низомӣ) мутавассил хоҳем шуд”.
Ин шӯро аз мавқеи ҷомеаи ҷаҳонӣ барои ба расмият нашинохтани Толибон истиқбол карда, аз Созмони милал ва кишварҳои ҷаҳон хостаанд, ки “ҳукумати якҷониба, истибдодӣ ва зидди ваҳдати миллии гуруҳи Толибонро ба расмият нашиносанд".
Таъкид мешавад, ки дар ҳукумати “Толибон” қавмҳо, занон, мазҳабҳо ва забонҳои расмӣ нодида гирифта шудааст ва баъзе аз аъзои кобинаи он шомили таҳримҳои СММ мебошанд.
Шӯрои олии муқовимат аз Толибон низ хостааст, то “куштори систематикӣ ва дастгиркунии фаъолони низомӣ ва амнияти ҳукумати қаблиро” қатъ кунанд.
"Ҳамчунон аз озор ва азияти мардум, кӯчҳои иҷборӣ, ғасби амлок ва амволи мардум ва хушунат алайҳи шаҳрвандони кишвар даст бардошта музокироти мустақим ва созандаро бо "Шӯрои олии муқовимати миллии Ҷумҳурии исломии Афғонистон" оғоз намоянд",- зикр мегардад дар эъломия.
Дар охир "Шӯро" аз мардуми Афғонистон даъват кардааст, ки худро барои муқовимат омода созанд:
"Аз мардуми кишвар тақозо менамоем, ки худро барои як муқовимати душвор ва дарозмуддат дар баробари истибдоди дохилӣ ва таҷовузу ишғолгароии хориҷӣ омода кунанд".
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Кулли ахбор
Авторизуйтесь, пожалуйста