Дар шаҳри Хуҷанд Раҷаббой Аҳмадзода, раиси вилояти Суғд ва Эрлан Абдилдаев, сафири фавқулода ва мухтори Қирғизистон дар Тоҷикистон мулоқот анҷом дода, дар бораи “об, роҳҳои чорвогузар ва дигар муаммоҳои марзӣ” сӯҳбат намудаанд. Дар ин бора Музаффар Юнусзода, сухангӯи раиси вилояти Суғд иттилоъ дод.
Ба гуфтаи ӯ, Раҷаббой Аҳмадзода рӯзи 22-юми июн Эрлан Абдилдаевро, ки бо мақсади иштирок дар Намоишгоҳи байналмилалии савдои “Суғд-2023” ба вилояти Суғд рафта буд, ба ҳузур пазируфт.
“Раиси вилоят бо сафири фавқулода ва мухтори Қирғизистон дар Тоҷикистон дар робита ба мушкилот ва муаммоҳои марзие, ки дар натиҷа боиси ба вуҷуд омадани муноқишаҳо гардида буд, сӯҳбат карданд. Аз ҷумла, дар бораи тақсими баробари об ва роҳҳои чорвогузар дар марзи Тоҷикистон бо Қирғизистон ҳамсӯҳбат шуданд”, - гуфт Музаффар Юнусзода.
Сухангӯи раиси вилояти Суғд афзуд, ки онҳо зимни сӯҳбат омодагии худро барои таҳкими равобити дуҷониба ва муносибатҳои дӯстона изҳор доштанд.
Ӯ таъкид кард, ки “Раҷаббой Аҳмадзода ва Эрлан Абдилдаев аз фаъолияти гурӯҳи кории муштарак, ки барои ҳалли низоъҳои марзӣ таъсис шудаанд, ихзори хушбинӣ намуданд”.
Ба гуфтаи Музаффар Юнусзода, ин мулоқоти аввалини раиси вилояти Суғд бо сафири фавқулода ва мухтори Қирғизистон дар Тоҷикистон буд, ки бо баррасии дурнамои рушди ҳамкориҳо ба охир расид.
Бояд гуфт, ки истифода ва дастрасӣ ба об яке аз омилҳои аслии низоъ миёни Тоҷикистону Қирғизистон давоми солҳои охир будааст.
Имсол низ бо оғози мавсими кишт баҳси истифодаи об дар минтақаҳои наздимарзии Тоҷикистону Қирғизистон, ки даҳсолаҳо давом дошта, боиси муноқишаҳои хунин низ гаштааст, доғ гардид. Сокинони маҳалҳои наздимарзӣ шикоят мекунанд, ки мушкил ҳалли худро наёфтааст. Мақомот аз идомаи баррасии ин масъала мегӯянд.
Барои ҳалли “масъалаи об” мақомоти ду кишвар дар гузашта ҳам мулоқотҳо доштанд ва ҳоло низ вохӯриҳо мегузаронанд, аммо самараи ин дидорҳо ба ҷуз “дар истифодаи якҷои об ба мувофиқа расидем” беш нест.
Аз ҷумла, дар мулоқоти охире, ки рӯзи 24-уми майи соли равон дар гузаргоҳи сарҳадии “Қизилбел”-и Қирғизистон бо ширкати раисони вилоятҳои Суғд ва Бодканд баргузор гардид, “бори дигар ҳали мушкилоту муаммои ҷойдошта, аз ҷумла истифодаи мақсаднок ва ҳамҷояи захираҳои табиӣ, аз ҷумла об муҳим арзёбӣ гардид”.
Дар мулоқоте, ки рӯзи 2-юми майи соли ҷорӣ дар гузаргоҳи сарҳадии “Гулистон”-и шаҳри Исфара доир гардид, “ҷонибҳо дар масъалаҳои истифодаи якҷои захираҳои табиӣ, аз ҷумла об, тоза кардани каналу ҷӯйборҳои наздимарзӣ якдигарфаҳмӣ намуданд”.
Маврид ба зикр аст, ки дар давоми ду соли гузашта дар сарҳади Тоҷикистону Қирғизистон ду муноқишаи пурхушунат ва пурқурбонӣ рух дод.
Ду кишвар беш аз 980 километр сарҳад доранд, вале солҳо боз зиёда аз сесад километри онро таъйину нишонагузорӣ карда наметавонанд.
Ахиран Александр Лукашенко, раисиҷумҳурии Беларус пешниҳод кард, ки Созмони Паймони Амнияти Дастҷамъӣ (ОДКБ) барои ҳалли низои сарҳадӣ миёни Тоҷикистон ва Қирғизистон даст ба кор шавад.
“Аудиокитоб” бо Субҳон Ҷалилов. Маснавии маънавӣ. Ҳикояи “Бино шудани кӯр ҳангоми қуръон хондан”
Исроил куштори Яҳё Синвор, роҳбари “Ҳамос”-ро тасдиқ кард
Дар Русия даст доштан дар муҳоҷирати ғайриқонунӣ ҷинояти вазнин дониста мешавад
Нигаронии ХБА аз сатҳи баланди қарзи давлатӣ дар саросари ҷаҳон
Эмомалӣ Раҳмон ба Турсунзода рафт. Кадом иншоот ба истифода дода шуд?
Соли 2023 дар Тоҷикистон 44 ҳазор хонанда баъди синфи 9 таҳсилро қатъ кардааст
Дар Тоҷикистон боз як бонки нав - “Фридом Бонк Тоҷикистон” иҷозаи фаъолият дарёфт кард
Офарандаи яке аз нақшҳо дар филми “Шоҳ Исмоили Сомонӣ” дар садамае ҷон бохтааст
Огоҳии КҲФ аз хатари омадани селҳо дар навоҳии кӯҳӣ
Захираи маводи сӯхт барои соҳаи маориф дар зимистон. Дар куҷо чанд дарсад иҷро шуд?
Кулли ахбор
Авторизуйтесь, пожалуйста