Чин нахустин кишваре шуд, ки баъд аз ғасби қудрат дар Афғонистон аз сӯйи Толибон дар тобистони соли 2021 сафири нави худро барои ин кишвар таъин кард.
Хабаргузории Reuters иттилоъ медиҳад, ки сафири нави Чин эътимодномаи худро зимни як маросими расмӣ дар шаҳри Кобул ба сарвазири ҳукумати Толибон дар Афғонистон супурдааст.
“Ин як чархиши муқаррарии сафири Чин дар Афғонистон аст. Ҳадафаш идомаи рушди муколама ва ҳамкориҳо миёни ду кишвар мебошад. Сиёсати Чин нисбат ба Афғонистон возеҳ аст”, - гуфтааст намояндаи Вазорати умури хориҷии Чин.
Ин бори нахуст аст, ки як кишвари хориҷӣ баъди сари қудрат омадани Толибон дар моҳи августи соли 2021 сафири худ дар Афғонистонро расман таъйин мекунад. Дар давоми ин ду сол ягон кишвар ҳукумати Толибонро ба расмият нашинохтааст. Ҳарчанд, намояндагони Толибон чандин маротиба аз давлатҳои хориҷӣ хоста буданд, ки ҳукумати таъсисдодаи онҳоро ба расмият шиносанд.
Қаблан намояндагони Толибон таъкид карда буданд, ки дар давлатҳои Чин, Русия ва Эрон сафоратҳои Афғонистон ба дипломатҳои фиристодаи онҳо супорида шуданд.
Бояд гуфт, ки Толибон соли 2001 аз қудрати Афғонистон канор зада шуданд ва 15-уми августи соли 2021, пас аз бист соли ҷангу низоъ бо нерӯҳои мусаллаҳи Амрико ва ҳампаймонҳои он, дубора ба Арги Кобул баргаштанд. Аммо ин гуруҳ то ҳол дар бештари кишварҳо террористӣ эълон шудааст.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Президенти БАТР бо сафари дурӯза ба Душанбе меояд
“Бегуноҳ аст”. Додгоҳҳои Тоҷикистон давоми 5 сол чанд ҳукми сафедкунанда содир кардаанд?
Амрико барои нигоҳдорӣ ва ҳифзи Панҷакенти куҳан беш аз $186 ҳазор ҷудо кард
Супоридани имтиҳони забони русӣ барои муҳоҷирон сангинтар мешавад
Дар бозӣ барои ҷойи сеюм низ бахти футзалистони тоҷик дар пеналти омад накард
Кулли ахбор
Авторизуйтесь, пожалуйста