Ҳизби ислоҳоти иқтисоди Тоҷикистон анҷумани ғайринавбатӣ баргузор менамояд, вале дар он масъалаи барканории раиси ҳизб пешбинӣ нашудааст. Дар ин анҷуман фаъолияти як соли охири ҳизбро ба баррасӣ мекашанд. Дар ин бора Даринг Раҳмон Ҷаҳон Афрӯз Қурбонзода, вакили Маҷлиси намояндагон аз Ҳизби ислоҳоти иқтисодӣ ба “Азия-Плюс” иттилоъ дод.
Ба гуфтаи ӯ, анҷумани ғайринавбатии Ҳизби ислоҳоти иқтисоди Тоҷикистон соати 11:00-и рӯзи 20-уми июл баргузор мегардад.
Макони баргузории анҷуман толори маҷлисгоҳи Донишгоҳи славянии Русияву Тоҷикистон интихоб шудааст.
“Дар ин анҷуман ҳисоботи яксола ва панҷсолаи охири ҳизб ба баррасӣ кашида мешавад. Масоили дар порлумон пешниҳодкардаро баррасӣ мекунем. Дархостҳои шаҳрвандон, ки ба ҳизби мо ворид шудааст, баррасӣ мегарданд. Таҳлил мекунем, ки то имрӯз чӣ корҳоро ба самар расонидем. Нақшаҳои ояндаро низ пешбинӣ мекунем”, - гуфт ҳамсӯҳбати мо.
Қурбонзода эҳтимоли барканории раиси ҳизб Рустам Қудратовро дар анҷумани ғайринавбатӣ рад кард ва афзуд, ки дар анҷумани ғайринавбатӣ раиси ҳизб, муовинон ва намояндагони ҳизб дар музофот ширкат меварзанд.
Бори охир анҷумани ғайринавбатии Ҳизби ислоҳоти иқтисоди Тоҷикистон як соли пеш баргузор гардидааст.
Гуфтан ба маврид аст, ки Ҳизби ислоҳоти иқтисодии Тоҷикистон моҳи октябри соли 2005 таъсис шуда, қариб 20 сол боз фаъолият дорад. Ҳизби ислоҳоти иқтисодии Тоҷикистон аз ҷумлаи 8 ҳизби сиёсии Тоҷикистон маҳсуб шуда, зикр мегардад, ки ҳудуди 20 ҳазор узв дорад. Ғайр аз ин, яке аз панҷ ҳизбҳои сиёсӣ аст, ки дар Маҷлиси Олӣ ҳам намояндагӣ доранд.
Бояд гуфт, ки баргузории анҷумани ғайринавбатии ҳизбҳои сиёсӣ дар чанд моҳи охир мавзӯи доғи расонаҳои Тоҷикистон гардидааст.
Ахиран Ҳизби демократи Тоҷикистон бо баргузории анҷумани ғайринавбатӣ роҳбараш Саидҷаъфар Усмонзодаро барканор кард ва ба ҷои ӯ Шаҳбози Аброрро ба ин маснад интихоб намуд.
Пас аз чанде, рӯзи 14-уми июн Саидҷаъфар Усмонзода, ки вакили порлумон ҳам буд, “барои бо зӯроварӣ ғасб намудани ҳокимият” муттаҳам шуда, аз ҷониби Додситонии кулли Тоҷикистон боздошт гардид ва бар зиддиш парвандаи ҷиноӣ ифтитоҳ шуд.
Сироҷиддин Муҳриддин дар Маскав аз нақзи ҳуқуқи муҳоҷирону донишҷӯёни тоҷик нигаронӣ кард
Вазорати маориф ва илм ҷузъиёти латукӯби омӯзгорро дар мактаби №8-и Ваҳдат гуфт
Данғараи Боло–Раҳмониён, Қирғизобод-Ҳазордеҳ, Қайрағоч-Қадамҷо. Номи беш аз 500 деҳа дар Тоҷикистон иваз шуд
Ӯзбекистон ба ҳамсояҳояш пешниҳод кард, шиносномаҳои дохилии ҳамдигарро эътироф кунанд. Ин чӣ маъно дорад?
Рақобати Муин Ғафуров дар UFC бо варзишгари Ҷопон, ки ҳоло таъми бохтро начашидааст
Ҷабҳаи муқовимат гуфт, дар ҳамла ба қароргоҳи Толибон дар Панҷшер 13 толиб кушта шуд
Латукӯби омӯзгор аз сӯи волидайни як хонанда дар Ваҳдат
Русия ба Тоҷикистон зиёда аз 370 ҳазор китоби дарсии забони русӣ дод
“Аудиокитоб” бо Субҳон Ҷалилов. Маснавии маънавӣ. Ҳикояи "Аждаҳои хуфта"
Нигаронии Қоҳир Расулзода аз нақзи ҳуқуқи муҳоҷирони кории тоҷик дар Русия
Кулли ахбор
Авторизуйтесь, пожалуйста