Раиси ҷумҳури Тоҷикистон Эмомалӣ Раҳмон имрӯз, 24-уми октябр, дар шаҳри Қазон бо раиси ҷумҳури Тотористон Рустам Минниханов мулоқот намуд. Ин мулоқот дар ҳошияи ҳамоиши “БРИКС+”, ки айни ҳол дар шаҳри Қазон идома дорад, доир гардид.
Ба навиштаи дафтари матбуоти раиси ҷумҳур, Эмомалӣ Раҳмон дар оғози вохӯрӣ барои пазироии самимӣ изҳори сипос карда, таъкид доштааст, ки дар доираи шарикии стратегӣ ва ҳампаймонӣ бо Русия масоили ҳамкорӣ бо минтақаҳои он, аз ҷумла Тотористон дар маркази таваҷҷуҳи доимии мо қарор дорад.
Таъкид гардидааст, ки саҳми Тотористон дар ҳаҷми умумии гардиши мол миёни Тоҷикистону Русия беш аз 50 миллион доллари амрикоиро ташкил медиҳад ва бо назардошти имконоти мавҷуда мумкин аст ин нишондод боло бардошта шавад.
Ҷонибҳо вазъ ва дурнамои ҳамкории Тоҷикистон ва Ҷумҳурии Тотористонро баррасӣ карда, ба рушду тавсеаи робитаҳо дар соҳаҳои тиҷорат, сармоягузорӣ, металлургия, маъдан, нафту газ, саноати химия, сабук ва хӯрокворӣ, дорусозӣ ва сохтмон диққати хоса зоҳир карданд.
Густариши ҳамкорӣ дар бахшҳои энергетика, кишоварзӣ ва сайёҳӣ, робитаҳои фарҳангию гуманитарӣ, аз ҷумла дар соҳаи маориф зарур шумурда шуд.
Ёдовар мешавем, ки Эмомалӣ Раҳмон дирӯз, 23-юми октябр, бо сафари корӣ ва ҷиҳати иштирок дар нишаст (саммит)-и 16-уми БРИКС ба шаҳри Қазони Тотористон сафар кард.
Нишасти БРИКС 22-юми октябр оғоз гардид ва қарор аст то 24-уми октябр идома ёбад. Дар ин нишаст ширкати 20 ҳазор меҳмонони воломақом аз саросари ҷаҳон, аз ҷумла 36 сарвари давлат, дар назар аст.
Файзулло Файзов: “Бо тафаккури бегона наметавон синамои миллӣ сохт”
Боздошти зане, ки фарзанди даҳсолаашро латукӯб кард
Дар Суғд ба 60 зан грантҳои раиси вилоят тақдим шуд
Аз наттоқ то журналисти касбӣ. Аз марги нахустнаттоқи телевизиони тоҷик Рафоат Абдусаломова як сол гузашт
Посух ба ҳамлаи маргбор дар Анқара. Туркия ба қаламрави Ироқу Сурия зарба зад
“Аудиокитоб” бо Субҳон Ҷалилов. Маснавии маънавӣ. Ҳикояи “Гурехтани Исо аз марди аҳмақ”
Низоми гармидиҳӣ дар Душанбе аз ҳисоби кӣ таъмир мешавад?
Баландтарин торти миллиро кӣ хӯрд?
Бӯҳрон дар футболи тоҷик? “Равшан” ҳам дар Лигаи дуюми қаҳрамонҳои Осиё шикаст хӯрд
5 кушта ва 22 захмӣ. Ҳамла ба як ширкати ҳавонавардӣ ва кайҳоннавардии Туркия
Кулли ахбор
Авторизуйтесь, пожалуйста