Дар пайи ҳамла ба ширкати ҳавонавардӣ ва кайҳоннавардии Turkish Aerospace дар шаҳри Анқара, ки боиси марги 5 нафар ва захмӣ шудани 22 нафар гардид, Туркия ба пойгоҳҳои Ҳизби коргарони Курдистон ё “PKK” дар шимоли Ироқ ва Сурия ҳамла кард. Дар ин бора BBC хабар медиҳад.
Вазорати дифои Туркия рӯзи 23 октябр дар баёнияе эълон кард, ки нерӯҳояш ба пойгоҳҳои вобаста ба ниманизомиёни Ҳизби коргарони Курдистон дар Ироқ ва Сурия ҳамла карданд.
Туркия Ҳизби коргарони Курдистонро масъули эҳтимолии ҳамла ба ширкати саноатӣ дар Анкара медонад. Фаъолияти ин ҳизб дар Туркия манъ аст.
Дар баёнияи Вазорати дифои Туркия омадааст, ки як амалиёти ҳавоӣ алайҳи “пойгоҳҳои террористҳо” дар шимоли Ироқ ва Сурия анҷом шуд ва дар умум 32 ҳадафи вобаста ба “террористҳо” бомуваффақия аз байн бурда шуд.
Ёдовар мешавем, ки дирӯз, 23-юми октябр, ба ширкати ҳавонавардӣ ва кайҳоннавардии Turkish Aerospace дар шаҳри Анқара ҳамла сурат гирифт ва дар пайи он ҳадди ақал 5 нафар ҳалок ва 22 нафар захмӣ шуданд.
Дар наворҳое, ки аз ҷойи ҳодиса паҳн гардид, дида мешавад, ки чанд нафар ба сӯйи одамон тир мекушоянд. Чеҳраи баъзе ҳавлаварон дар дурбинҳои назоратӣ сабт шудааст.
Вазири корҳои дохилии Туркия Алӣ Ерликая гуфт, ки ду ҳамлагар, як мард ва як зан кушта шудаанд. Ангезаи ҳамла ва ҳувияти ҳамлаварон то ҳол маълум нест.
Мақомоти Туркия дар ташкили ҳамла ҷудоихоҳони курдро гумонбар медонанд. Алӣ Ерликая гуфт, эҳтимол дар ин кор Ҳизби коргарони Курдистон, ки дар Туркия мамнӯъ аст, даст дошта бошад. Аммо ҳеҷ далеле пешниҳод накард.
Ҳизби коргарони Курдистон ҳам то ҳол ҳодисаро шарҳ надодааст.
Боздошти зане, ки фарзанди даҳсолаашро латукӯб кард
Дар Суғд ба 60 зан грантҳои раиси вилоят тақдим шуд
Аз наттоқ то журналисти касбӣ. Аз марги нахустнаттоқи телевизиони тоҷик Рафоат Абдусаломова як сол гузашт
“Аудиокитоб” бо Субҳон Ҷалилов. Маснавии маънавӣ. Ҳикояи “Гурехтани Исо аз марди аҳмақ”
Низоми гармидиҳӣ дар Душанбе аз ҳисоби кӣ таъмир мешавад?
Баландтарин торти миллиро кӣ хӯрд?
Бӯҳрон дар футболи тоҷик? “Равшан” ҳам дар Лигаи дуюми қаҳрамонҳои Осиё шикаст хӯрд
5 кушта ва 22 захмӣ. Ҳамла ба як ширкати ҳавонавардӣ ва кайҳоннавардии Туркия
Ифлосии ҳаво то чӣ андоза ба марги бармаҳал дар Тоҷикистон таъсир мерасонад?
Беш аз 40 ношир ва 5 ҳазор китоб. Гузориш аз намоишгоҳи байналмилалии “Китоби Душанбе”
Кулли ахбор
Авторизуйтесь, пожалуйста