Душанбе. 26-уми июл. ОИ «Азия-Плюс» - Чанде қабл амри президенти Тоҷикистон Эмомалӣ Раҳмон ба имзо расид, ки мувофиқи он тантанаҳои бахшида ба Рӯзи ваҳдати миллии соли 2009 дар маркази вилояти Суғд, шаҳри Хуҷанд баргузор хоҳанд шуд.

Аз дафтари матбуоти сарвари давлат ба ОИ «Азия-Плюс» хабар доданд, ки ба вазорату идораҳо ва ташкилоту муассисаҳои ҷумҳуриявӣ якҷоя бо мақомоти   иҷроияи ҳокимияти давлатии вилояти Суғд супориш дода шуд, ки иҷрои ҳатмии дастуру   супоришҳои   дар вохӯрӣ бо роҳбарони фаъолони шаҳру ноҳияҳои   вилояти зикршуда рӯзи 15-уми майи соли 2008 муайяншударо то баргузории Рӯзи ваҳдати миллӣ таъмин намоянд.